Ministerio di VROMI di St. Maarten a bishitá Selikor

Djabièrne 26 di yüni 2026, e delegashon di Ministerio di VROMI di St. Maarten tabata di bishita na Selikor. E delegashon a konsistí di Minister di Planifikashon Urbano i medioambiente, Sr. Patrice Gumbs, huntu ku Sr. Kenson Plaisimond, Sekretario General di VROMI St. Maarten.

Meta di e bishita tabatá pa sera konosí ku gerensha di Selikor, alabes interkambiá idea i plannan stratégiko riba e futuro di maneho di shushi riba tur dos isla. Durante e bishita, e delegashon a haña un rekorido riba e dos puntonan prinsipal den kual Selikor ta hiba maneho di shushi, trasbordo na Koraal Specht i lèntfel na Malpais.

Durante e rekorido nan a haña un demostrashon amplio di kon e kònteinernan bou di tera (ondergrondse containers) ta funshoná. E delegashon por a presensiá kiko ta e benefisionan mas remarkabel di e tipo di kònteiner akí, kual entre otro ta keda usá pa tene e ambiente limpi i na òrdu.

Den futuro serkano, komunidat lo por bai mira mas di e kònteinernan bou di tera aki, prinsipalmente den áreanan urbano.