E servicio nobo di Barranquilla cu ta dura henter aña a cuminsa oficialmente dia 9 di juli cu su vuelo inaugural for di Barranquilla den oranan di mainta, sigui pa su yegada den oranan di atardi na Aruba. E vuelo inaugural entrante a yega cu 156 asiento ful ocupa, reflehando e demanda fuerte pa biahe entre Colombia y Aruba.

E celebracion tambe a reconoce e lansamento exitoso di e servicio di Bucaramanga (BGA) di temporada di Wingo, cu a cuminsa bula dia 17 di juni 2026 te cu 15 di augustus 2026.

Pa conmemora e logro aki, a tene un ceremonia di inaugural na Aeropuerto di Aruba dia 9 di juli 2026, despues di e yegada di e buelo di Barranquilla. E celebracion a trece hunto representantenan clave di Gobierno di Aruba, Wingo, Aruba Tourism Authority y stakeholders di turismo. E evento a conta cu remarkenan oficial di Minister di Turismo, Transporte y Labor di Aruba, mr. Wendrick Cicilia, como tambe discursonan di Carlos Meléndez, Director di Network Planning and Performance na Wingo y Barbara Brown, Chief Revenue Development & Communications Officer na Aruba Airport Authority N.V. E celebracion a conclui cu un ceremonia tradicional di cortamento di cinta y cortamento di bolo, marcando oficialmente e lansamento di e conexion mas nobo entre Wingo y Colombia di Aruba.

“Nos meta semper tabata pa crea conexionnan cu proposito cu ta genera un impacto real pa nos comunidadnan.E ruta nobo aki entre Barranquilla y Aruba no solamente ta fortalece nos lasonan cu Colombia pero tambe ta crea oportunidadnan nobo pa turismo, negoshi, cuido di salud y intercambio cultural. Cu cada conexion nobo, nos ta sigui construi un oportunidad mas accesibel, competitivo y globalmente habri pa Aruba hunto pa hende y oportunidadnan habri e beneficio di tur dos destinacion,” Wendrick Cicilia, Minister di Turismo, Transporte y Labor a menciona.

“Cu nos rutanan nobo di Bucaramanga y Barranquilla pa Aruba, Wingo ta fortalece su posicion como e compania di aviacion cu ta ofrece mas conectividad entre Aruba y Colombia. Awe, nos ta conecta e isla cu cinco ciudad Colombiano—Bogotá, Medellín, Cali, Bucaramanga y Barranquilla—ampliando e oportunidadnan di biahe pa e biaheronan Colombiano mientras ta fortalece e turismo, e lasonan famialiar y cultural cu ta uni tur dos mercado Aruba ta un destinacion clave dentro di nos red y nos ta keda comprometi na trec’e mas cerca di mas biahero a traves di vuelonan directo, conveniente y pagabel,” asina Jorge Jiménez, vice presidente di Planificacion Comercial y di Red di Wingo a bisa.

“Na Aruba Tourism Authority, nos ta boga pa conserva y fomenta ‘Un Aruba dushi pa biba, ta un Aruba dushi pa bishita’, caminda cu nos habitantenan ta central den un strategia cu ta busca pa conecta famia local y huespednan, mientras cu ta genera oportunidadnan di negoshi internacional na bienestar di nos comunidad,” asina Ronella Croes, CEO di Aruba Tourism Authority a duna di conoce.

“Na Aruba Airport Authority, desaroya y fomenta partnershipnan strategico di servicio aereo ta keda un prioridad clave. E lansamento di Barranquilla y Bucaramanga ta sigui fortifica nos conectividad cu Colombia y ta refleha e confiansa cu e aerolineanan ta sigui pone den e mercado di Aruba. Nos ta contento di por sostene e crecemento continuo di Wingo riba e isla y expansion di e oportunidadnan di biahe di Aruba residentenan, mientras ta sigui fortifica e posicion di Aruba como un destinacion bon conecta den region”, asina Barbara Brown, Chief Revenue Development & Communications Officer na Aruba Airport Authority N.V. a duna di conoce.

Colombia ta sigui ta un di e mercadonan mas strategico di Aruba den Latino America. Cu e adkisicion di Barranquilla y Bucaramanga, awo Wingo ta opera servicio directo entre Aruba y cinco ciudad Colombiano; Bogotá, Medellín, Cali, Barranquilla, y Bucaramanga—ofreciendo biaheronan mas comodidad mientras ta apoya Aruba su strategia di diversificacion turistico y desaroyo continuo di servicio aereo.

E rutanan nobo aki ta refleha e compromiso y asociacion continuo di Aruba Airport Authority cu Wingo cu ta sigui fortalece e conectividad regional di Aruba y sostene desaroyo economico sostenibel. Pa medio di colaboracion continuo cu partnernan di aerolinea manera Wingo, gobierno y stakeholdernan di turismo, Aeropuerto di Aruba ta keda enfoca riba expansion di su red internacional y crea oportunidadnan di biahe nobo cu ta beneficia residentenan, bishitantenan y e industria di turismo di Aruba.

Detayenan di vuelo

• Aruba (AUA) – Barranquilla (BAQ)
  Servicio henter aña cu opera tur diahuebs y diadomigo.
• Aruba (AUA) – Bucaramanga (BGA)
  Servicio di temporada ta opera tur diaranson y diasabra te cu 15 di augustus 2026.