Ministerio di Hustisia ta lansa e promé Bootcamp di Hustisia “Un Snechi di Hustisia” – Ministerie van Justitie lanceert de eerste Justice Bootcamp “Un Snechi di Hustisia”

Special pa hóbennan ku kier un karera den Polis, Bombero òf SDKK

WILLEMSTAD – Ministerio di Hustisia ta lansa ofisialmente e promé edishon di Bootcamp di Hustisia, un programa intensivo di kuater dia, spesialmente diseñá pa hóbennan entre 18 te ku 35 aña ku tin interes pa sigui un karera den e sektor di Hustisia. E bootcamp lo tuma lugá for di 10 te ku 13 di ougùstùs 2026 i ta brinda un oportunidat úniko pa eksperensiá di serka kiko ta nifiká di ta un polis, un bombero òf un agente di seguridat den Sentro di Detenshon i Korekshon Kòrsou (SDKK).

Ku e bootcamp aki, Ministerio di Hustisia kier duna hóbennan un imágen realístiko di e profeshonnan den Hustisia. Hopi biaha hóbennan tin un idea general di e trabou, pero no konosé e responsabilidatnan, e desafio i e dedikashon ku e profeshonnan aki ta pidi. Pa e motibu ei, durante kuater dia, e partisipantenan lo haña un eksperensia práktiko, huntu ku profeshonalnan ku diariamente ta sirbi nos komunidat.

Durante e programa, e hóbennan lo eksperensiá di serka e bida di un polis. Nan lo bai patruyá, opservá kon polisnan ta traha riba kaya, mira kon nan ta atendé diferente situashonnan i lo partisipá den simulashonnan relashoná ku kriminalidat i mantenshon di órden públiko. Esaki lo duna nan un mihó komprondementu di e responsabilidat grandi ku ta bin pa ser un agente polisial den nos komunidat.

Di e mesun forma aki, partisipantenan lo konosé e mundu di e bomberonan tambe. Nan lo eksperensiá algun di e tareanan ku un bombero mester dominá, manera paga kandela, baha ku kabuya i otro ehersisionan físiko i tékniko ku ta forma parti di e entrenamentu diario. E programa ta mustra no solamente e parti físiko di e profeshon, sino tambe e importansia di traha den ekipo, disipliná i keda kalmu bou di preshon.

Ademas, e hóbennan lo risibí un introdukshon den e trabou di un agente di seguridat den SDKK. Nan lo siña tokante e papel importante ku personal di seguridat ta hunga den mantené seguridat, órden i stabilidat den e institushon korekshonal. Esaki ta duna un bista amplio di otro karera importante den e sektor di Hustisia.

Ministerio di Hustisia ta spera ku e eksperensianan aki lo inspirá mas hóben pa skohe un futuro den un di e profeshonnan aki. E pais tin mester di hóben motivá, disipliná i komprometé ku kier kontribuí na seguridat di Kòrsou. E bootcamp ta un forma inovador pa pone e hóbennan den kontakto direktamente ku e realidat di e trabou i pa laga nan eksperensiá, promé ku nan hasi e desishon di apliká pa un funshon.

Un total di 100 hóben lo haña e oportunidat aki. Solamente e promé 100 persona ku ta kumpli ku e kondishonnan di partisipashon i ku ta kualifiká lo por tuma parti na e bootcamp.

Partisipashon ta grátis. Ministerio di Hustisia kier kita tur opstákulo pa hóbennan ku tin interes pa konosé e profeshonnan aki. Tur partisipantenan lo risibí un T-shirt ofisial ku nan lo usa durante e bootcamp.

Inskripshon ta posibel via http://www.traboudenhustisia.com/un-snechi-di-hustisia.  Pa inskripshon e hóben mester ta hulandes i e mester ta dispone di un ID bálido. Tambe e hóben lo mester graba un video di máksimo 60 sekònde na unda e ta indiká dikon e lo ta un bon kandidato pa partisipá na e bootcamp “Un Snechi di Hustisia”. Despues ku un persona a registrá, e lo risibí, den 48 ora, un konfirmashon indikando si e la kualifiká pa partisipá na e bootcamp.

Promé ku e bootcamp kuminsá, lo tin un anochi di informashon pa tur e hóbennan ku a kualifiká. Durante e anochi aki, partisipantenan lo haña tur informashon nesesario tokante e programa, e aktividatnan, loke nan mester trese i kon nan por prepará nan mes pa e kuater dianan di entrenamentu.

Ministerio di Hustisia ta hasi un yamada na tur hóben entre 18 te ku 35 aña ku tin interes den un karera ku ta hasi diferensia pa no laga e oportunidat aki pasa. Inskribí awe mes na www.traboudenhustisia.com/un-snechi-di-hustisia pasobra e promé 100 aspirante ku kualifiká lo haña un lugá den e Bootcamp di Hustisia.

[FIN DI KOMUNIKADO]

 

---

 

Speciaal voor jongeren die een carrière ambiëren bij de Politie, Brandweer of SDKK

WILLEMSTAD – Het Ministerie van Justitie lanceert officieel de eerste editie van de Justice Bootcamp “Un Snechi di Hustisia”, een intensief vierdaags programma dat speciaal is ontwikkeld voor jongeren tussen de 18 en 35 jaar die geïnteresseerd zijn in een carrière binnen de justitiële sector. De bootcamp vindt plaats van 10 tot en met 13 augustus 2026 en biedt deelnemers een unieke kans om van dichtbij te ervaren wat het betekent om politieagent, brandweerman of beveiligingsmedewerker bij het Sentro di Detenshon i Korekshon Kòrsou (SDKK) te zijn.

Met deze bootcamp wil het Ministerie van Justitie jongeren een realistisch beeld geven van de verschillende beroepen binnen Justitie. Veel jongeren hebben wel een algemeen beeld van deze functies, maar kennen niet altijd de verantwoordelijkheden, uitdagingen en toewijding die deze beroepen met zich meebrengen. Daarom krijgen de deelnemers gedurende vier dagen een praktijkgerichte ervaring, waarbij zij worden begeleid door professionals die zich dagelijks inzetten voor de veiligheid van onze samenleving.

Tijdens het programma maken de jongeren van dichtbij kennis met het werk van een politieagent. Zij gaan mee op patrouille, observeren hoe agenten op straat werken, zien hoe verschillende situaties worden aangepakt en nemen deel aan simulaties die betrekking hebben op criminaliteit en het handhaven van de openbare orde. Hierdoor krijgen zij een beter inzicht in de grote verantwoordelijkheid die het politievak met zich meebrengt.

Daarnaast maken de deelnemers kennis met het werk van de brandweer. Zij ervaren verschillende werkzaamheden die een brandweerman moet beheersen, zoals brandbestrijding, abseilen en andere fysieke en technische oefeningen die deel uitmaken van de dagelijkse opleiding. Het programma laat niet alleen de fysieke kant van het beroep zien, maar benadrukt ook het belang van teamwork, discipline en het vermogen om onder druk rustig te blijven.

Ook krijgen de jongeren een introductie in het werk van een beveiligingsmedewerker binnen SDKK. Zij leren over de belangrijke rol die beveiligingspersoneel vervult bij het waarborgen van veiligheid, orde en stabiliteit binnen de penitentiaire inrichting. Zo krijgen de deelnemers een breed beeld van de verschillende carrièremogelijkheden binnen de justitiële sector.

Het Ministerie van Justitie hoopt dat deze ervaringen meer jongeren zullen inspireren om te kiezen voor een toekomst binnen één van deze belangrijke beroepen. Ons land heeft behoefte aan gemotiveerde, gedisciplineerde en betrokken jongeren die willen bijdragen aan de veiligheid van Curaçao. De bootcamp is een innovatieve manier om jongeren rechtstreeks kennis te laten maken met de praktijk van het werk, zodat zij een weloverwogen keuze kunnen maken voordat zij solliciteren naar een functie binnen Justitie.

In totaal krijgen 100 jongeren de kans om deel te nemen aan deze unieke ervaring. Alleen de eerste 100 kandidaten die aan de toelatingsvoorwaarden voldoen en worden geselecteerd, kunnen deelnemen aan de bootcamp.

Deelname is geheel gratis. Het Ministerie van Justitie wil hiermee eventuele drempels wegnemen voor jongeren die geïnteresseerd zijn in een van deze beroepen. Alle deelnemers ontvangen bovendien een officieel T-shirt dat tijdens de bootcamp wordt gedragen.

Inschrijven kan via http://www.traboudenhustisia.com/un-snechi-di-hustisia om zich aan te melden moet de kandidaat de Nederlandse nationaliteit bezitten en beschikken over een geldig identiteitsbewijs. Daarnaast dient iedere kandidaat een video van maximaal 60 seconden op te nemen waarin hij of zij uitlegt waarom hij of zij een geschikte kandidaat is voor deelname aan de bootcamp “Un Snechi di Hustisia”.

Na aanmelding ontvangt iedere kandidaat binnen 48 uur bericht of hij of zij is geselecteerd om deel te nemen aan de bootcamp.

Voorafgaand aan de bootcamp wordt een informatieavond georganiseerd voor alle geselecteerde deelnemers. Tijdens deze bijeenkomst ontvangen zij alle benodigde informatie over het programma, de activiteiten, wat zij moeten meenemen en hoe zij zich kunnen voorbereiden op de vier intensieve dagen.

Het Ministerie van Justitie roept alle jongeren tussen de 18 en 35 jaar die geïnteresseerd zijn in een carrière waarmee zij daadwerkelijk een verschil kunnen maken voor de samenleving op om deze unieke kans niet voorbij te laten gaan. Schrijf je vandaag nog in via https://www.traboudenhustisia.com/un-snechi-di-hustisia want de eerste 100 geselecteerde kandidaten krijgen een plaats in de eerste editie van de Justice Bootcamp “Un Snechi di Hustisia”.