Investigashon di Minister Cooper riba 8,3 mion ku èks-minister Silvania a regla pa un persona na Malta, ta na su lugá

Ku e komunikado aki Suzy Römer ta pone asuntu di offshore gaming den konteksto korekto.

Echo:

Minister di Hustisia Suzy Camelia-Römer a pasa lei di offshore gambling na 1993. Suzy no a duna ni un permit na ni un kompania òf persona. Pues Javier Silvania ta kontinuá riba e rumbo ku ta tipifiká su persona di gaña i manipulá opinion públiko. Susesor di Suzy, esta Minister di Hustisia Señor Pedro Atacho, a duna pèrmit na kompanianan spesífiko a base di e lei i tur Minister di Hustisia a sigui traha ku lei.

Ta mas ku lógiko ku un lei di mas di 30 aña mester di revishon.

Echo:

Pa ku e investigashon anunsiá pa Minister di Finansas Cooper, Suzy Römer ta sostené e hecho ku mester bini di investigashon kompletamente.

Si èks-minister Javier Silvania a pone e plataforma digital di gaming na Malta, dikon ela skohé pa e persona spesíko ei i sin duna trasparensia públiko i sin tabatin destaho públiko? Ademas, dikon Javier Silvania a soru supuestamente pa pago ku bitcoin na gobièrnu via Tjechia i a soru pa paga mas ku 8,3 mion pa aña na un kompania ku aparentemente ta konsistí di un of dos persona? P’esei e investigashon ku Minister di Finansas Charles Cooper ke hasi ta kompletamente na su lugá.

Taktika pa desviá for di e pregunta, kon por ta ku un persona na Malta ta haña 8, 3 mion pa aña komo regalo di Jabier Silvania, lo no funshoná.

Nos ta sostené e investigashon dor Minister Cooper i tambe e investigashon dor di Landsrecherche ku anteriormente minister presidente Pisas a splika, na momentu ku partido MFK a baha eks-minister Silvania komo minister.