Parlamento di Kòrsou Bishita Ofisial na bordo di e barku di guera colombiano ARC “24 de Julio”.

Djaluna 3 di ougùstùs 2026, Presidente di Parlamento di Kòrsou, Sr. Fergino Brownbill, i e Vise-Presidente, Sr. Ramon Yung, tabata presente na un almuerso i rekorido di kortesía na bordo di e barku colombiano ARC “24 de Julio”, den kompania di entre otro su Ekselensia Gobernador di Kòrsou, sr. Mauritsz de Kort.

E barku aki, trahá na Colombia, ta hunga un ròl klave den vigilansia marítimo, búskeda i reskate, protekshon di naturalesa i asistensia humanitario.

Su bishita ta reafirmá e laso di amistat i e kompromiso mutuo pa sigui fortalesé e koperashon i seguridat den henter region Karibe.