𝐊𝐨̀𝐫𝐬𝐨𝐮 𝐬𝐮 𝐟𝐮𝐭𝐮𝐫𝐨 𝐭𝐚 𝐛𝐫𝐢𝐲𝐚𝐧𝐭𝐞!

Tabata spesial pa tende hóbennan ku siguridat i kurashi ekspresá ku, aki sinku aña, nan ta mira nan mes trahando den gobièrnu i kontribuyendo na desaroyo di nan pais. Sin duda, durante e tres simannan aki nos a mira e potensial ku tin den nan.

Pa sera e trayekto, nan a risibí un workshop enfoká riba deskubrí nan birtutnan, konosé nan mes mihó i reflehá riba kiko nan ke logra den futuro. Awor ta na nan pa sigui konstruí riba e base aki, i nos ta konfia i sa sigur ku nos lo mira nan soñonan bira realidat.

Hóbennan, mashá pabien! Boso a demostrá disiplina, kreatividat i perseveransia. Sigui invertí den boso mes, sigui siña i sigui duna boso máksimo pa logra boso metanan.

Minister di Desaroyo Ekonómiko, Dr. Roderick Middelhof , i henter tim di MEO ta sumamente orguyoso di boso!