KUERPO POLISIAL KÒRSOU 

KOMUNIKADO DI PRENSA

267/2026

20 ougùstùs 2026 

Kaso di tiramentu ku morto 

Djaweps 20 di ougùstùs 2026 alrededor di 13.33’or, Sentral di Polis a dirigí  un unidat pa Weg naar Welgelegen na altura di un toko pa un kaso di  tiramentu. 

Na yegada di e unidat el a komprondé, ku un ratu promé un vehíkulo a yega  na e sitio i un hóben a baha for di e outo i a kuminsá diskutí ku un otro  hóben ku batata sintá na e toko ariba menshoná. 

Despues a start un bringamentu entre nan dos. Durante di e bringamentu  un di e hóbennan a bai den su vehíkulo i a kue un arma di kandela i lòs  tirunan dirigí riba e víktima. 

Despues di su akto e hóben aki a hui bai for di e sitio. 

E víktima ku a keda alkansá na altura di su pechu, a kore i kai abou riba un  plenchi di tera na e otro banda di e kaya. 

Un vehíkulo ku tabata den e área tambe a risibí perforashon di bala. 

Personal di ambulans ku a keda notifiká, a konstatá ku e víktima ya no  tabata duna señal di bida. 

Dòkter di Polis ku a presentá a konstatá morto di e hòmber Roshon  Giselo De San Valente Giovany Dortalina, nasé na Kòrsou 21 di aprel  2007. 

Riba òrdu di fiskal di Ministerio Públiko a konfiská e kurpa. 

Despues di un investigashon den área di Seru Mahuma, alrededor di  14.30’or, polis a detené e hòmber Q.M.A.L. di 19 aña di edat nasé na  Kòrsou, relashoná ku e kaso di asesinato.

SIRBI I PROTEHÁ 

Departamentu di Komunikashon i Prevenshon Página 1 

Seguidamente a tene un entrada hudisial na un kas den Nilda Pintostraat. Den kurá di un kas den besindario, polis a enkontrá i konfiská e arma di  kandela ku a keda usá den e kaso aki. 

A presentá e sospechoso dilanti un fiskal ouksiliar ku a ordená su  enkarselamentu pendiente di mas investigashon.