Aksidente di tráfiko ku dos morto 

KUERPO POLISIAL KÒRSOU 

KOMUNIKADO DI PRENSA

280/2026

29 ougùstùs 2026 

Aksidente di tráfiko ku dos morto 

Djasabra 29 di ougùstùs 2026 alrededor di 03.39’or, Sentral di Polis a risibí  informashon di un aksidente basta grave ku a tuma lugá riba e krusada  Dominico “Don” Martina Boulevard i Schottegatweg-Zuid. 

Na yegada di e promé unidat, el a topa dos vehíkulo, ámbos outo di famia,  den kua un di nan tabatin dos dama i den e otro tres okupante. 

E dos damanan tabata seriamente heridá i nan situashon tabata krítiko. 

Personal di ambulans ku a yega na e sitio, a indiká ku ningun di dos tabata  duna señal di bida. 

Dòkter di polis ku tambe a presentá despues, a konstatá morto di  Sharisemary Rosalia Hous, nasé na Kòrsou 4 di sèptèmber 1985 i Zaira  A. Nepomuceno-Martis, nasé na Kòrsou 7 di desèmber 1961. 

For di investigashon preliminar a sali na kla, ku kousa di e aksidente ta  probablemente debí na falta di dunamentu di preferensia. 

Personal di Departamentu di Tráfiko ta kontinuá ku e investigashon.