GMN ta fortalesé suministro di awa pa agrikultura na Bandabou / GMN versterkt watervoorziening voor landbouw op Bandabou
Gobièrnu di Kòrsou
GMN ta fortalesé suministro di awa pa agrikultura na Bandabou
Publiká riba 14 Sèptèmber 2026
Willemstad – Den kuadro di e proyekto “Kòrsou ta Produsí”, preparashonnan pa renobashon di e instalashon pa purifiká awa na Tera Kòrá a kuminsá. Dor di renobá i hasi varios mehorashon na e instalashon, por pone esaki bèk den funshon pa asina Gobièrnu oumentá disponibilidat di awa pa agrikultura lokal, spesialmente pa agrikultornan na Bandabou.
Na final di 2025, Ministerio di Salú, Medio Ambiente i Naturalesa (GMN) a kuminsá ku e proyekto “Kòrsou ta Produsí”, ku ta kai bou di responsabilidat di minister Gilmar Pisas, enkargá ku Medio Ambiente i Naturalesa. Meta di e proyekto ta pa aselerá kresementu di produkshon agríkola i kria di bestia na Kòrsou, i pa asina oumentá produkshon lokal di kuminda. Sostené agrikultornan lokal i mehorá e kondishonnan bou di kua nan por produsí ta parti importante di e proyekto.
Den e kuadro aki, minister Gilmar Pisas a disidí pa laga renobá e instalashon pa purifiká awa na Tera Kòrá. Aktualmente e instalashon no ta na funshon. Dor di pone esaki bèk den funshon, lo por hasi awa purifiká disponibel pa uso agríkola.
Spesialmente pa agrikultornan na Bandabou, esaki ta nifiká un mehorashon importante. Dor di hasi awa disponibel mas serka di e área, agrikultornan lo tin akseso mas fásil na awa pa nan aktividatnan. E awa, ku entre otro ta ser purifiká di bakteria ku lus UV, ta destiná pa uso agríkola i no ta awa pa bebe. Komo por usa awa purifiká pa agrikultura, e por ser hasí disponibel na un kosto mas abou ku awa pa bebe. Ademas, e distansia mas kòrtiku por yuda limitá gastunan di transporte di awa.
Preparashonnan pa e renobashon a kuminsá kaba. E trabounan lo ser ehekutá den kolaborashon ku Ministerio di Tráfiko, Transporte i Planifikashon Urbano (VVRP).
Ku renobashon di e instalashon pa purifiká awa na Tera Kòrá, Gobièrnu ta dal un siguiente paso konkreto pa sigui sostené sektor agríkola lokal. Un disponibilidat mas mihó i pagabel di awa ta kontribuí na mihó kondishonnan di produkshon pa agrikultornan na Bandabou i ta brinda oportunidat pa amplia produkshon agríkola den e área.
Di e manera aki, e proyekto ta kontribuí na oumento di produkshon lokal di kuminda, fortalesementu di seguridat alimentario i redukshon di dependensia riba importashon di kuminda.
Regering van Curaçao
GMN versterkt watervoorziening voor landbouw op Bandabou
Geplaatst op 14 09 2026
Willemstad – In het kader van het project “Kòrsou ta Produsí” zijn inmiddels voorbereidingen gestart voor de renovatie van de waterzuiveringsinstallatie op Tera Kora. Door de installatie te renoveren, op onderdelen te verbeteren en opnieuw in gebruik te nemen, wil de overheid de beschikbaarheid van water voor de lokale landbouw vergroten, in het bijzonder voor landbouwers in Bandabou.
Eind 2025 is het Ministerie van Gezondheid, Milieu en Natuur (GMN) gestart met het project “Kòrsou ta Produsí”, dat onder de verantwoordelijkheid valt van minister Gilmar Pisas, belast met Milieu en Natuur. Het project heeft tot doel de groei van de landbouw- en veeteeltproductie op Curaçao te versnellen en daarmee de lokale voedselproductie te vergroten. Het ondersteunen van lokale landbouwers en het verbeteren van de omstandigheden waaronder zij kunnen produceren, vormen hierbij belangrijke onderdelen.
In dit kader heeft minister Gilmar Pisas besloten om binnen het project de waterzuiveringsinstallatie op Tera Kora te laten renoveren. De installatie is momenteel niet operationeel. Door deze weer in gebruik te nemen, kan gezuiverd water beschikbaar worden gesteld voor landbouwdoeleinden.
Met name voor landbouwers in Bandabou betekent dit een belangrijke verbetering. Door water dichter bij het gebied beschikbaar te stellen, wordt de toegang tot water voor landbouwactiviteiten vergemakkelijkt. Het water, dat onder andere met UV-licht van bacteriën is gezuiverd, is bestemd voor landbouwdoeleinden en is geen drinkwater. Doordat voor de landbouw gebruik kan worden gemaakt van gezuiverd water, kan dit tegen lagere kosten beschikbaar worden gesteld dan drinkwater. Ook kan de kortere afstand bijdragen aan het beperken van de kosten voor het transport van water.
De voorbereidingen voor de renovatie zijn inmiddels gestart. De werkzaamheden worden uitgevoerd in samenwerking met het Ministerie van Verkeer, Vervoer en Ruimtelijke Planning (VVRP).
Met de renovatie van de waterzuiveringsinstallatie op Tera Kora zet de overheid een volgende concrete stap in de verdere ondersteuning van de lokale landbouwsector. Een betere en betaalbare beschikbaarheid van water draagt bij aan betere productieomstandigheden voor landbouwers in Bandabou en biedt mogelijkheden om de landbouwproductie in het gebied verder uit te breiden. Daarmee draagt het project bij aan het vergroten van de lokale voedselproductie, het versterken van de voedselzekerheid en het verminderen van de afhankelijkheid van voedselimport.
