Publieksbijeenkomst Hof van Justitie

Riba djabièrnè 18 di sèptèmber próksimo, tur hende ku ta interesá, por  bin sera konosí ku e plannan pa loke ta trata e renobashon i ekspanshon di e edifisio nobo di Korte di  Hustisia, esaki ta posibel entre 17.00 or i 19.00 or. Esaki ta un oportunidat pa papia direktamente ku  e timnan enkargá ku e diseño i e proyekto, hasi preguntanan òf kompartí ideanan. 

E intenshon di e seshon akí ta, pa e ta aksesibel pa tur hende. Bishitantenan por aserká e tim enkargá ku e proyekto i e arkitektonan (Anko van der Woude, IMD i Lyongo Juliana, lyongo architecture) na e sitio di  konstrukshon pa haña, entre otro, splikashon di e diseño, e renobashon, i e planifikashon. 

Renobashon i konstrukshon nobo 

E renobashon ta parti di un plan mas grandi, den kua e edifisio monumental di Korte di Hustisia lo keda renobá i ampliá ku partinan nobo. E parti históriko di e kompleho lo keda konservá, inkluyendo e  elementonan karakterístiko ku ta definí e edifisio su balor históriko i kultural. 

Resientemente, a kita e parti di e edifisio di Korte ku no ta históriko. E parti akí, ku e keda konstruí den añanan ochenta, ya no tabata kumpli ku e nesesidatnan di un organisashon hudisial moderno, tantu pa  loke ta trata eskala komo e diseño. Na lugá di esaki lo bini konstrukshonnan nobo i mas sostenibel. 

E konstrukshon nobo ta konsistí di kuater diferente ala ku lo keda konektá kuidadosamente na e edifisio  monumental. Esakinan lo akapará, entre otro, espasionan moderno di trabou, ofisinanan, áreanan di  reunion i salanan di korte nobo. Tambe lo mehorá e konekshonnan públiko rondó di e kompleho. Bou di e  alanan nobo un paseo ku sombra lo keda kreá i lo bini un pasashi públiko ku ta konektá Wilhelminaplein ku  e banda di Waterfortstraat. 

Hasi pregunta direktamente na e arkitektonan 

Durante e enkuentro lo ta presente, entre otro, e arkitektonan Anko van der Woude (IMD) i Lyongo Juliana  (lyongo architecture). Hasi bo preguntanan tokante e monumento i e konstrukshon nobo, e organisashon  di e kompleho, e espasio públiko i e konekshon ku sentro di siudat, na un di e arkitektonan. Tur hende ku ta  interesá, ta keda kordialmente invitá pa pasa. 

Informashon práktiko 

Fecha: djabièrnè 18 di sèptèmber 

Ora: 17.00 – 19.00 ora 

Lugá: na Stadhuis, pafó, na e banda di e Waterfortstraat