‘Ami Ta Prepará’ Expo i Scavenger Hunt’ riba djasabra 17 di òktober / ‘Ami Ta Prepará’ Expo en Scavenger Hunt op zaterdag 17 oktober

‘Preparando huntu pa posibel krísis’

Willemstad – ‘Preparashon pa kualke krísis’ ta e tema di e promé edishon di ‘Ami Ta Prepará Expo’, riba djasabra, 17 di òktober 2026 na Brionplein. Diferente organisashon gubernamental den maneho di krísis i otro organisashonnan lo ta presente pa duna informashon práktiko, tepnan balioso i konsehonan ku bishitantenan mes por apliká.

‘Ami Ta Prepará Expo’ ta parti di e trayekto di konsientisashon pa informá i prepará habitantenan di Kòrsou pa kualke situashon di krísis ku por presentá. Te ku aña pasá, ‘Ami Ta Prepará Expo’ tabata konosí komo ‘PrepareNOW Expo’, organisá pa e Direktorado di Kontròl di Riesgo i Maneho pa Kalamidat (DRR) huntu ku ‘stakeholder’i partnernan den maneho di krísis. E aña akí e expo ta konosé un nòmber i lokalidat nobo i ta ta ampliá tambe ku un ‘Ami Ta Prepará Scavenger Hunt’.

Huntu nos ta mihó prepará
Preparashon pa un krísis ta duna mas trankilidat. Ta p’esei diferente instansia gubernamental ta prepará durante henter aña pa por atendé kada situashon di krísis ku por presentá. Pa medio di diferente aktividat, ‘Ami Ta Prepará’ ta siña habitantenan di Kòrsou kon nan tambe por prepará nan mes mihó. Si mas hende ta prepará pa un krísis, esaki ta krea espasio pa organisashonnan di emergensia por duna asistensia na esnan mas vulnerabel den nos komunidat òf esnan ku no por yuda nan mes.

Prepará bo mes di un manera interaktivo
Djasabra 17 di òktober próksimo, lo pone atenshon na preparashon pa posibel situashonnan di krisis na diferente manera. Pa esnan ku ke pone nan konosementu na prueba, tin un ‘scavenger hunt’ pa gruponan di máksimo 5 persona. Partisipantenan lo kore rònt den outo mientras nan ta kumpli ku diferente tarea. Tin un premio máksimo di XCG. 2.500,- kèsh pa e grupo ganadó i diferente otro premio. Pa mas informashon tokante e ‘Ami Ta Prepará Scavenger Hunt’, reglanan di partisipashon i inskripshon por bishitá https://gobiernu.co/amitapreparascavengerhunt òf like i follow ‘Ami Ta Prepará’ riba Facebook i Instagram. Inskripshon ta posibel te ku 13 di òktober 2026.

Abo tambe ta prepará?
Prinsipalmente famia i muchanan lo siña di un manera aktivo pero dibertido, kiko preparashon pa un posibel krisis ta enserá. ‘Like i Follow’ Ami Ta Prepará riba medianan sosial òf sigui e páginanan di Gobièrnu di Kòrsou pa mas informashon. Un invitashon na tur habitante di Kòrsou pa bishitá ‘Ami Ta Prepará Expo’ riba djasabra, 17 di òktober 2026 na Brionplein, di 4’or di atardi te 9’or di anochi. Entrada ta grátis.

---

 

‘Samen voorbereiden op mogelijke crisis’

Willemstad – Voorbereiding op welke crisis dan ook, is het onderwerp van de ‘Ami Ta Prepará’ Expo die wordt gehouden op zaterdag 17 oktober 2026. Verschillende crisisbeheersingsorganisaties en andere instanties komen bijeen op het Brionplein, met praktische informatie en tips die de bezoekers in hun eigen omgeving kunnen toepassen. De ‘Ami Ta Prepará’ Expo is onderdeel van het bewustwordingstraject om meer bewoners van Curaçao te informeren over hoe belangrijk het is om voorbereid te zijn op welke crisis dan ook.

Samen beter voorbereid
Voorbereiding op een crisis zorgt voor meer rust. Dat is waarom de verschillende overheidsinstanties zich het hele jaar voorbereiden op de aanpak van eventuele gebeurtenissen die voor ontwrichting van de maatschappij kunnen zorgen. Met ‘Ami Ta Prepará’ wordt op verschillende manieren duidelijk gemaakt voor inwoners van Curaçao hoe ze zichzelf ook kunnen voorbereiden. Als meer mensen zijn voorbereid op een crisis, kunnen hulporganisaties meer hulp en middelen geven aan diegenen in de samenleving die zichzelf niet kunnen helpen. Daardoor kan de rust in de samenleving veel sneller terugkeren.

Voorbereiden op een leuke manier
Tijdens de ‘Ami Ta Prepará Expo’ op zaterdag 17 oktober aanstaande wordt op verschillende interactieve manieren aandacht besteed aan die voorbereidingen. Voor diegenen die hun kennis willen toetsen is er een ‘Scavenger Hunt’. Daarbij moeten deelnemers zich per auto verplaatsen over ons eiland, terwijl ze verschillende opdrachten moeten uitvoeren. Voor de winnaars zijn er geldprijzen, een staycation en waardebonnen beschikbaar.

Op het Brionplein zijn, naast handige informatie, ook de hulpdiensten aanwezig met apparatuur en voertuigen, waarbij vooral kinderen op een actieve maar speelse manier leren wat rampenbestrijding inhoudt.

Volg de aankondigingen
Inschrijven voor deelname aan de ‘Ami Ta Prepará Scavenger Hunt’ kan tot 13 oktober aanstaande, via de volgende link https://gobiernu.co/amitapreparascavengerhunt.

De ‘Ami Ta Prepará’ Expo is gratis toegankelijk en zal plaatsvinden op zaterdag 17 oktober 2026, van 4 uur ’s middags tot 9 uur ‘s avonds, op het Brionplein in Otrobanda.

Ben jij ook voorbereid?
Door mee te doen aan de ‘Scavenger Hunt’ en het Brionplein te bezoeken, bereid je je voor op elke eventuele crisis. En dat geeft ons allen een rustig gevoel. Volg ‘Ami Ta Prepará’ op Facebook en Instagram voor meer informatie over de Expo en Scavenger Hunt.