KUERPO POLISIAL KÒRSOU 

KOMUNIKADO DI PRENSA

302/2026

18 sèptèmber 2026 

Detenshon i konfiskashon pa violashon di lei di arma di kandela 

Den oranan di mainta di djabièrnè 18 di sèptèmber 2026, Tim di Atrako den  koperashon ku Tim di Aresto a tene entrada hudisial den un kas na Kaya Castellatus. Na e adrès enkestion, polis a enkontrá un arma di kandela (pistol) ku un lachi largu i  munishon, ku a keda konfiská. 

Na e mesun adrès, polis a detené e hòmber M.J.J. di 19 aña di edat nasé na Kòrsou pa violashon di e lei di arma di kandela.  

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.