PREPARASHONNAN TA KONTINUÁ PA NOS SELEKSHON NASHONAL SU PRÓKSIMO KOMPROMISONAN DI NATIONS LEAGUE 2026! 

PREPARASHONNAN TA KONTINUÁ PA NOS SELEKSHON NASHONAL SU PRÓKSIMO KOMPROMISONAN DI NATIONS LEAGUE 2026! 

 SERA KONOSÍ KU NOS STAF!

 

Preparashonnan pa nos siguiente kompromisonan di Nations League 2026 ta bai kuminsá. 

Nos promé partido lo ta djaweps 24 di sèptèmber 2026 aya na Costa Rica kaminda nos lo enfrentá Costa Rica. Seguidamente nos selekshon lo bula bin Kòrsou pa topa Nicaragua aki na Kòrsou riba djadumingu 27 di sèptèmber 2026, 8’or di anochi pa despues nos topa Trinidad & Tobago dia promé di òktober 2026, 6’or di atardi. Ámbos partido lo tuma lugá den Stadion Ergilio Hato. Nos último partido lo ta na Trinidad & Tobago kaminda nos lo bolbe enfrentá Trinidad & Tobago.

 

Despues ku nos entrenadó Dick Advocaat a presentá su lista di hungadónan ku lo representá nos durante nos promóksimo partidonan di Nations League 2026, nos ta presentá e staf kompletu ku lo kompañá nos hungadónan durante e partidonan aki;

 

Dick Advocaat (entrenadó)

Cor Pot (asistente)

Dean Gorré (asistente)

Gersinio Constancia (asistente)

Raymond Mulder (entrenadó di kiper)

Angelo Cijntje (performance trainer)

Ramfis Fillet (dòkter)

Clinton Leocadia (masagista)

Royston Corasol (masagista)

Robert Duncan (masagista)

Wouter Jansen (team manager)

Sherwin Martina (kitman)

Rowendy Sumter (kitman)

Jim Smit (video analist)

Ludwig Alberto (head of delegation)

Anouar Amrani (social media)

Gersley Gijsbertha (direktor tékniko)

 

Lamentablemente nos hungadó Roshon van Eijma a keda leshoná i lo no por partisipá na e partidonan aki. Na su lugá a konvoká Kyano Penso ku ta un hungadó di nos selekshon nashonal U-20, ku a hunga na mart último aki na Kòrsou i ta militá den Jong PSV aktualmente.

Karchinan pa e diferente sekshonnan ya ta disponibel ‘online’ via e siguiente link pa e partido di dia 27 di sèptèmber 2026 kontra Nicaragua i tambe dia promé di òktober 2026 kontra Trinidad & Tobago.

 

https://shop.ffk.cw/event-details/curacao-vs-nicaragua 

https://shop.ffk.cw/event-details/curacao-vs-trinidad-tobago 

 

Manera semper lo tin diferente sekshon, kada un ku nan preis i nan entrada pa abo komo fanátiko por disfrutá di e partidonan aki.

 

Sigurá bo karchi awe mes pa bo no lamentá despues, nos ‘Blue Wave’ ta sigui konta ku bo apoyo i sosten!

 

18 sèptèmber 2026