Un biaha mas nos campaña Nacional contra di esaki ta bay inicia pa asina pone enfasis un biaha mas riba e tema esencial aki. E mensahe di Cuerpo Policial Aruba ta simpel “BUSCA BO AMIGO RESPONSABEL.”

Den palabra cortico busca bo #BAR! Un chauffeur responsabel cu NO a consumi bebida alcohol of otro substancia. Bo amigo responsabel cu por maneha un vehiculo di motor pa asina tur hende por yega nan destinacion sigur!

Cuerpo Policial Aruba ta keda pone enfatisa, cu nan controlnan ta sigui. Maneha bou influencia tin su consecuencia cu abo kisas no lo yega cas nunca mas of un persona inocente no lo yega su cas of por lag’e den un situacion critico pa bida!

P’esey e ta keda un responsabilidad serio di cada un cuidadano pa preveni y pone atencion na esaki. Fin di aña ta den porta un biaha mas y e controlnan lo bira mas pisa di lo cual nan ta caba! Pesey Cuerpo Policia ta pidi nos comunidad ban sea responsabel pa cu nos actonan!