Cuida bo curason: e motor di bo bida!
Cuida bo curason: e motor di bo bida!
ORANJESTAD – Awe, dia 29 di september, ta observa e Dia Mundial di Curason y Departamento di Salud Publico (DVG) ta uni su mes na e campaña global pa conscientisa nos comunidad riba e prevencion di malesanan di curason.
Pa aña 2026, e tema principal ta “Uza bo curason pa accion” (‘Use Heart for Action’) cu e sub-tema “No perde ni un bati” (‘Don’t Miss a Beat’)
E mensahe aki ta invita nos pa refleha riba e importancia di actua na tempo, reconoce e señalnan di alerta y haci di nos salud di curason un prioridad di tur dia
Por preveni mayoria di e enfermedadnan di curason.
Aki tin algun paso simpel cu bo por tuma pa cuida bo curason:
- Alimentacion balansa: Come mas fruta, berdura y cuminda cu fibra. Reduci e consumo di salo, sucu y vet no-saludabel;
- Mantene bo mes activo: Haci por lo menos 30 minuut di actividad fisico pa dia, manera cana, core bais of landa;
- Evita tabaco: Stop di huma y evita exposicion na huma di tabaco of vape, pasobra esaki ta un di e factornan di mas grandi cu ta daña bo arterianan;
- Controla bo presion y stress: Check bo presion di sanger regularmente y busca maneranan pa maneha e tension mental di tur dia.
Laga nos tuma accion awe mes pa proteha nos curason y gosa di un bida largo y saludabel!
Pa keda semper informa:
- Like Facebook page Directie Volksgezondheid DVG Aruba
- Follow Instagram directie_volksgezondheid_aruba
- Check Aruba Health App
- Bishita www.dvg.aw
- Yama na 5224200
- Mail na servicio@dvg.aw
- Check WhatsApp Channel
- Join WhatsApp Communities.
639114718427035"
639114718427035"