Wave of Light Kòrsou 2026
Na kada mayor i famia ku a pèrdè un embaraso, un beibi òf yu.. bo ta keda invitá na Kòrsou su di 10 Wave of Light. Djaweps, dia 15 di òktober di 5:30 PM pa 8:30 PM nos ta bini huntu pa rekordá e beibi i muchanan ku no tey mas ku nos pero ku ta wòrdu stimá pa semper i kargá semper den nos kurason. E Wave of Light ta un tradishon internashonal i e evento mas importante durante luna di òktober. Pa 7:00 PM, belanan ta wòrdu sendé rònt mundu, kreando un ola di lus den zonanan di tempu na memoria di nos yunan.
Lo bai tin;
Músika bibu i un mini konsierto.
Palabranan di oradónan signifikante.
Un espasio seif pa rekordá, honra i simplemente ta huntu den sosten i amor.
Entrada ta gratis pa tur mayor i henter famia i ta inkluí un bela.
Paso nos yunan meresé di wòrdu rekordá. Paso amor no ta kaba nunka.
639114718427035"
639114718427035"