Den e “Programa di Mehorashon di Enseñansa” i e investigashon di SEO tokante e Kalidat Básiko den enseñansa ta rekomendá, en relashon ku e dominio di kalidat aktuashon pedagógiko-didáktiko, pa desaroyá oferta di entrenamentu (mas aleu) pa dosente i pa stimulá uso di esaki. Ademas, for di e informenan ta sigui ku modernisashon di legislashon ta nesesario pa garantisá kalidat di enseñansa; esaki entre otro ta konta pa enseñansa spesial di fundeshi (SFO).

E ophetivo ta pa alumnonan den enseñansa spesial haña enseñansa adekuá i bon, di un banda dor di desaroyá i duna un kurso di profundisashon dosente enseñansa spesial di fundeshi i di otro banda, desaroyá un minor enseñansa spesial di fundeshi pa studiantenan na e estudio LOFO (formashon di dosente) di University of Curaçao (UoC).