KUERPO POLISIAL KÒRSOU 

KOMUNIKADO DI PRENSA

356/2026

18 òktober 2026 

Detenshon pa violashon di lei di opio i konfiskashon 

Djasabra 17 di òktober 2026, Sentral di Polis a dirigí un unidat den  besindario di un restorant di ‘fastfood’ pa algun vehíkulo ku tabata move di  forma sospechoso den e besindario. 

Riba e lugá di stashoná outo di un skol, un unidat di VKC a bin topa ku un  vehíkulo i mesora a paso over na kontròl di esaki. 

Den e vehíkulo a bin topa un kaha di karton ku tabata kontené un blòki di  kokaina ku un peso di mas o menos un (1) kilo i tambe un (1) paki di hash. Na e sitio mes pa mas o menos 21.36’or, polis a hasi detenshon di e dama  K.Q.L.J.B. di 21 aña di edat nasé na Kòrsou i a konfiská e droga i e  vehíkulo den kua e dama tabata. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.