Promé Minister Pisas ta habri e di 24 Asamblea General di CANOC / Premier Pisas opent 24ste Algemene Vergadering van CANOC

Willemstad – Promé Minister Gilmar Pisas a habri ofisialmente e di 24 Asamblea General di Asosiashon Karibense di Komiténan Olímpiko Nashonal (Caribbean Association of National Olympic Committees – CANOC), riba djadumingu 18 di òktober, na Renaissance Wind Creek Curaçao Resort. E enkuentro a trese huntu mas ku shen delegado i atministradónan deportivo di Karibe. Ku representantenan di organisashonnan deportivo di entre otro Latino Amérika, Asia i Afrika, nan tur a papia tokante e futuro di deporte den e region.

Den su diskurso di apertura, Promé Minister Pisas a enfatisá ku e grandesa di Karibe no ta determiná pa e tamaño di su paisnan, sino pa e talento, determinashon i spiritu di su hendenan. E logronan di atletanan karibense ta demostrá kiko paisnan chikitu por logra ora duna talento oportunidat pa desaroyá. Tambe el a menshoná atletanan di Kòrsou, entre otro e landadó Enith Brigitha, e kampionnan di Little League di 2004 i 2026 i e Blue Wave.

Segun Promé Minister, invertí den deporte ta bai mas leu ku medaya i persigui un lugá riba podio. Deporte ta siña hóben disiplina, koperashon i konfiansa propio, ta habri porta pa enseñansa i oportunidatnan internashonal i ta yuda prevení vulnerabilidat sosial. El a enfatisá e importansia di entrenamentu apropiá pa entrenadónan, atministrashon profeshonal di deporte i e guia ku atletanan tin mester pa desaroyá nan talento. Ademas, el a elogiá CANOC pa su invershonnan den e área akí, inkluyendo kolaborashon ku The University of the West Indies.

Promé Minister Pisas a invitá organisashonnan deportivo pa skohe Kòrsou henter aña pa nan kampamentunan di entrenamentu, kampeonatonan regional, kursonan di entrenamentu i tayernan. El a indiká ku Kòrsou tin komo meta pa sigui desaroyá su mes komo un lugá di enkuentro i konekshon pa deporte den Karibe. El a terminá ku un yamada pa traha huntu pa konstruí un sistema deportivo sostenibel ku ta ofresé oportunidat na atletanan di tur isla, pa asina mas talento karibense por yega na e podionan mas haltu na mundu.

Promé Minister Gilmar Pisas: “Ora nos ta invertí den deporte, nos no ta djis persigui un lugá riba un podio. Nos ta konstruyendo resiliensia sosial. Tur mucha riba un pista di atletismo, riba un vèlt òf den un pisina ta siña disiplina, traha den ekipo i konfiansa propio. Kòrsou semper tabata un lugá kaminda diferente mundu ta topa. Esei tambe ta e ròl ku ​​nos ke tin pa deporte den Karibe: un lugá di enkuentro pa deporte, un brùg, un ‘hub’.”

 

---

 

 

Willemstad – Premier Gilmar Pisas heeft op zondag 18 oktober officieel de 24ste Algemene Vergadering van de Caribbean Association of National Olympic Committees (CANOC) geopend in het Renaissance Wind Creek Curaçao Resort. De bijeenkomst bracht meer dan honderd afgevaardigden en sportbestuurders uit het Caribisch gebied samen, met vertegenwoordigers van sportorganisaties uit onder meer Latijns-Amerika, Azië en Afrika, om te spreken over de toekomst van de sport in de regio.

In zijn openingstoespraak benadrukte premier Pisas dat de grootsheid van het Caribisch gebied niet wordt bepaald door de omvang van zijn landen, maar door het talent, de vastberadenheid en de geest van zijn mensen. De prestaties van Caribische atleten laten zien wat kleine landen kunnen bereiken wanneer talent de kans krijgt zich te ontwikkelen. Hij noemde daarbij ook sporters uit Curaçao, onder wie zwemster Enith Brigitha, de Little League-kampioenen van 2004 en 2026 en de Blue Wave.

Volgens de premier gaat investeren in sport verder dan medailles en het najagen van een plaats op het podium. Sport leert jongeren discipline, samenwerking en zelfvertrouwen, opent deuren naar onderwijs en internationale kansen en helpt sociale kwetsbaarheid te voorkomen. Hij onderstreept het belang van een goede opleiding van trainers, professioneel sportbestuur en de begeleiding die atleten nodig hebben om hun talent te ontplooien. Daarbij prees hij CANOC voor haar investeringen op dit gebied, onder meer in samenwerking met The University of the West Indies.

De premier nodigde de sportorganisaties uit om gedurende het hele jaar voor Curaçao te kiezen voor trainingskampen, regionale kampioenschappen, trainerscursussen en workshops. Hij gaf aan dat Curaçao zich verder wil ontwikkelen als ontmoetingsplek en verbindende schakel voor de sport in het Caribisch gebied. Hij sloot af met een oproep om samen te bouwen aan een duurzaam sportsysteem dat atleten van elk eiland kansen biedt, zodat meer Caribisch talent de hoogste podia ter wereld kan bereiken.

Minister-President Gilmar Pisas: “Wanneer wij in sport investeren, jagen wij niet alleen een plaats op het podium na. Wij bouwen aan sociale veerkracht. Elk kind op een atletiekbaan, op een veld of in een zwembad leert discipline, teamwork en zelfvertrouwen. Curaçao is altijd een plek geweest waar verschillende werelden elkaar ontmoeten. Dat is ook de rol die wij voor de Caribische sport willen vervullen: een ontmoetingsplek, een brug, een knooppunt.”