17 empleado di JJIC a sigui kurso ‘Traha den Detenshon’
Hustisia
17 empleado di JJIC a sigui kurso ‘Traha den Detenshon’
Publiká riba 19 Òktober 2026
Willemstad – Resientemente, 17 empleado di JJIC a sigui e kurso ‘Traha den Detenshon’, ku a wordu duna pa SKUCHAMI.
E meta di e kurso tabata pa amplia e konosementu di e empleadonan tokante komportashon di hóbennan i pa duna nan mas konosementu tokante kon pa trata ku diferente forma di agresividat.
Durante e lesnan, a trata tópikonan manera rekonosé i komprondé komportashon di hóbennan, trata ku agresividat i maneho di situashonnan di eskalashon. Ademas, a dediká atenshon na komunikashon i análisis di situashonnan ku por surgi den práktika.
E kurso a yuda e empleadonan pa haña un mihó komprenshon di e situashonnan ku por presentá den nan trabou ku hóbennan i pa desaroyá un manera adekuá i korekto pa reakshoná riba nan.
Ku e kurso ‘Traha den Detenshon’, JJIC ta sigui invertí den desaroyo profesional di su empleadonan, pa nan por desempeñá nan tarea ku mas konosementu i ta mihó prepará pa enfrentá situashonnan difísil.
