Elekshon di representantenan di sektor di transporte públiko

Willemstad – Servisio Trafiko i Transporte (UOVV) i den kolaborashon ku Publieke Zaken (Kranshi), ta informá tur persona ku tin un pèrmit di transporte públiko ku preparashonnan pa elekshon di representantenan den e komishonnan di transporte públiko a start. E elekshon ta planifiká pa djasabra 21 di novèmber 2026.

Komishon di Transporte Públiko ta brinda representantenan di personanan ku tin un pèrmit un oportunidat pa aportá nan punto di bista i eksperensia riba asuntunan relashoná ku transporte públiko. Di e forma aki, e sektor ta haña representashon den diálogo relashoná ku temanan importante pa transporte públiko.

E proseso aki ta ser organisá den kuadro di Eilandsverordening Personenvervoer (A.B. 1969 no. 23, teksto vigente publiká den A.B. 1992 no. 7) i Eilandsbesluit personenvervoer (A.B. 1969 no. 51). Artíkulo 14 di e ordenansa ta regla komposishon di e komishonnan, mientras ku artíkulo 5 di e Eilandsbesluit ta kontené reglanan pa reunion, kandidatura i votashon di personanan ku tin un pèrmit.

Fechanan importante

E aviso ofisial lo kontené tur informashon relevante tokante kondishonnan pa kandidatura, derecho di voto, i prosedura di elekshon.

VVRP i UOVV ta invitá tur persona ku tin un pèrmit konserní pa tuma nota di e fechanan menshoná i sigui e komunikashonnan ofisial.

Kampaña i informashon

Kandidatonan ta responsabel pa presentá nan kandidatura na personanan ku tin un pèrmit i buska sosten pa nan kandidatura.

Komunikashon ofisial relashoná ku e elekshon lo mantené un karakter neutral i imparsial.