Kiebro na agensia importadó di bebida 

KUERPO POLISIAL KÒRSOU 

KOMUNIKADO DI PRENSA

371/2026

26 òktober 2026 

Kiebro na agensia importadó di bebida 

Djadumingu 25 di òktober 2026 alrededor di 10.53’or, Sentral di Polis a  dirigí un unidat polisial pa Parke Industria Ser’i Lora enkonekshon ku un  kiebro. 

Na yegada di e unidat, el a tuma nota ku un bentana di un di e empresanan  kual ta un agensia importadó di bebida tabata kompletamente saká for di  muraya. 

Via di e bentana e malechornan a penetrá den e kantor na unda tabatin un kaha fuerte. 

Pa medio di makinarianan pisá, a forsa e kaha fuerte i habri esaki. E sospechosnan a bai ku un montante di plaka konsiderabel for di e kaha  fuerte. 

Na e sitio a enkontrá algun opheto ku e ladronnan a laga ku a keda  konfiská. 

Investigashon den e kaso aki ta kontinuá.