Kimberly Jimenez ta resultá Miss Teenage Curaçao 2026
Kimberly Jimenez ta resultá Miss Teenage Curaçao 2026
Ouditorio di WTC tabata esenario pa e final di Miss Teenage Curaçao 2026. Un ouditorio yená ku mayor i fanatiko nan ku a akudí pa ayoyá nan faborito i disfrutá di un produkshon riba nivel.
Show a ranka sali ku un tremendo efekto di lus. Un Grand Opening, ku nos Miss Teenage saliente Thalina Gill, grupo di baile Explotion Dancers, partisipashon speshial di Eduarda van der Biezen huntu ku e 5 beyesa den kompetesia pa Miss Teenage Curaçao.
Despues di e bunita apertura, maestro nan di ceremonia Dany Balentien i Amanda Verkerk, a keda presentá pa asina nan sigui guia e anochi speshial aki.
Despues di esaki, tur kos tabata kla pa risibí e 5 beyesa nan den nan trahe uniformá, kaminda nan a desfilá i amplia riba un tópiko ku nan mes a skohe.
E promé emoshonnan a yega trempan, pasó asina ku e promé presentashon a kaba, presidente di hurado Sr. Angelo Davelaar a subi esenario, pa hasi entrega di e ènvelòp ku ta kontené e resultado di e promé ronda di ganadó nan ku a wòrdú skohe durante e anochi preliminar.
MTC Best Interview 2026 a resultá Kymberly Jimenez
MTC Best Personality 2026 a resultá Kymberly Jimenez
MTC Congeniality 2026 a resultá Kymberly Jimenez
MTC Most Photogenic 2026 a resultá Francindy Sebelon
MTC Most Disciplined 2026 a resultá Breanna Martines
Asina Kòrsou i e públiko den WTC Ouditorio a konosé e grupo ganadó den e promé presentashon.
Despues di e ronda di premiashon mesora a prepará pa e di dos presentashon ofisial di e anochi. Den e di dos presentashon e 5 beyesa nan a demostrá nan konfiansa, abilidat di maneha esenario i nan karisna ùniko ku nan tin, den e trahe nan di baño exclusivo di BeBeautiful Boutique, e kas ofisial di trahe nan di baño pa Miss Teenage Curaçao ya pa 3 aña.
Den e di dos presentashon aki tambe por a konosé un grupo di ganadó.
MTC Most Beautiful Skin 2026 a resultá Royjenica Martha
MTC Most Beautiful Face 2026 a resultá Francindy Sebelon
MTC Most Beautiful Hair 2026 a resultá Francindy Sebelon
MTC Most Beautiful Smile 2026 a resultá Kymberly Jimenez
MTC Best Body 2026 a resultá Royjenica Martha
Mientras ku partisipante nan tabata preparando pa nan di 3 presentashon, a hasi espasio pa por presentá un hóben ku a kumisa ku su karera artistiko. QMQ Organization ta un organisashon ku ta gusta duna hóbennan oportunidat pa demostrá nan talento. Ku un fuerte aplauso ouditorio di WTC a risibí DNA Lee ku a presenta 2 kansion.
E di tres presentashon tambe a sigui i esun mas atisipá ku ta trahe di Gala. Danki na e kreashon bunita di GC Couture by Gabriel nos Miss nan a desfilá i demostra nan elegansia i glamur den e sekshon importante aki. Despues ku nos beyesa nan a demostra nan elegansia den e presentashon aki, a yega e mometu pa por a hasi anunsio di dos premio importante.
MTC Internet 2026 a resultá Breanna Martines
MTC Elegance 2026 a resultá Kymberly Jimenez
Despues di e entrega di premio aki mesora a kontinuá ku e ròndu di pregunta.
Aki kada partisipante a skohe un pregunta for di e bowl di kristal, entregá esaki na Dany pa e por tende su pregunta.
Un mometu di hopi emoshon tabata biba den ouditorio di WTC.
Mientras e kuerpo di huradao tabata hasi nan votashonnan, públiko por a tuma un pauze kòrtiku pa por kome i bebe algu, pendiente pe resultado final.
Un momentu hopi emoshonante tabata ora Thalina Gill Miss Teenage 2025 mester a hasi su último kaminata komo Miss Teenage, siguir Thalina por wak bèk riba un aña di aprendisahe i kresementu. Meskos ta konta pa nos promé finalista Angelly Virginia i di dos finalista Melysa Pengel.
Despues di e bunita despedida di nos Thalina i Angelly, a yega e momentu pa konosé e resultado final.
Un biaha mas a invitá presidente di hurado sr Angelo Davelaar pa subi esenario, hiba algun palabra i pa hasi entrega di e ènvelòp ku ta kontené e resultado final.
MTC 4th runner up a resultá Marianchely Arrindel
MTC 3th runner up a resultá Royjenica Martha
MTC 2th runner up a resultá Breanna Martines.
Despues di anunsiá e finalista nan, a pidi pa e dos yùfrou nan pasa pa sentro di esenario pa por anunsiá e resultado final.
MTC 2026 a resultá Kymberly Jimenez
1st runner up a resultá Francindy Sebelon
Despues dje resultado mesora a sigui ku e parti di protocòl pa saka potrèt. I despues a hasi anunsio di e 5 titulo nan internashonal i kua Miss lo representá QMQ Organization i Kòrsou den kua sertamen.
Miss Teen Caribe Universo Curaçao 2027 a resultá Marianchely Arrindel
Miss Teen Americas Curaçao 2027 a resultá Kymberly Jimenez
Miss Teen Iconic Curaçao 2027 a resultá Royjenica Martha
Miss Teen Charm Curaçao 2027 a resultá Francindy Sebelon
Miss Teen Universe Curaçao 2027 a resultá Breanna Martines
QMQ Organization ta felisitá tur e 5 partisipante nan ku nan título i alabes ta gradisí tur su sponser nan ku a hasi e sertamen aki posibel, danki di kurason.
Sigui plataform nan sosial di QMQ Organization pa sigui tur desaroyo i preparashonnan pa e temporada internashonal ku ya a ranka sali.
