KUERPO POLISIAL KÒRSOU 

KOMUNIKADO DI PRENSA

386/2026

3 novèmber 2026 

Detenshon pa violashon di lei di arma di kandela 

Djamars 3 di novèmber 2026 alrededor di 02.32’or, un unidat polisial  enkargá ku akshon tabata patruyando den Guanaweg, na momentu ku nan  a tuma nota di un vehíkulo pretu ku dos persona den dje. 

Na momentu ku e unidat a aserká e vehíkulo pa kontròl, e okupante sintá na banda a sali na kareda. 

Polis a start un persekushon kòrtiku na pia i a logra pone man riba dje. Na e momentu ei un arma di kandela a kai for di e sospechoso. 

Mesora polis a detené e hòmber C.C.G.C. di 21 aña di edat nasé na  Kòrsou pa violashon di e lei di arma di kandela i a konfiská e arma. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.