Rueda di prensa 1 di òktober 2016 tokante ultimo desaroyonan di orkan Matthew pa nos region, fecha di elekshon I fechanan ku no tin skol

Rueda di prensa 1 di òktober 2016 tokante ultimo desaroyonan di orkan Matthew pa nos region, fecha di elekshon i fechanan ku no tin skol

Minister Whiteman: Desaster management team ta keda alerta pa motibu di kondishonnan di laman brutu ainda. Ta rekomendá pa NO bai landa, sigur no na banda bou. Por kana riba e playanan pero no drenta laman. Si bo drenta laman ta bou di bo propio responsabilidat. E otro motibu ta ku orkan Matthew a baha di velosidat. E ta praktikamente pará. E ta moviendo ku un velosidat di 2 mia.

Elekshon: Normalmente ta gobiernu ta anunsiá un fecha di elekshon. Unabes e fecha keda fihá ta Konseho Supremo Elektoral so por kambia e fecha den kaso di force majeur. E desishon di posponé e fecha tabata den konsenso ku tur patido envolví. Gobiernu a fiha e fecha nobo pa djarason 5 di òktober 2016. Despues ku e fecha ta fiha e uniko ku por kambia e fecha ta Konseho Supremo Elektoral. Por hasi esaki solamente den kaso di force majeur. Esaki no ta e kaso aworaki, pues elekshon ta tuma lugá djarason.

Tin deseo for di esnan envolví den wega di futbòl. Petishon pa konsiderá e desishon pa elekshon ta riba djarason. 

Pa motibu ku gruponan uniformá tabata hopi okupá ultimo simannan debí na e akshon ku tabata tin i despues Matthew. Gobiernu ta bai sostené e gruponan uniformá pa ehersé nan trabou komo debe ser pa mantenshon di òrdu publiko.

Sr. Pacheco Römer di Konseho Supremo Elektoral: teniendo na kuenta ku mester a tene kuenta ku posibel efektonan di Matthew a propone pa elekshon keda posponé.

E opshon pa djaluna tabata muchu despues di pasashi di Matthew. Djabièrnè a keda konsiderá komo muchu lat. Pues e miho opshon tabata djarason 5 di òktober 2016. No tin mas kaso di force majeur na e momentu aki pa bolbe posponé elekshon.

Kranshi tabata habrí awe djasabra 1 òktober 2016 pa fasilitá tumamentu di karchi di vota i mas o menos 200 persona a hasi uso di e oportunidat aki. Kranshi ta habrí for di djaluna pa sigui duna tur servisio ku ta importante pa votamentu.

Minister Van der Horst: E ministriële beschikking ku a keda firmá ta bisa bon kla ku e elekshon di 30 di sèptèmber 2016 a keda posponé pa dia 5 di òktober 2016.

Minister Irene Dick ta indiká ku djarason 5 i djaweps 6 di òktober 2016 no tin skol pa motibu di elekshon.