Debí na efektonan di Orkan Matthew SITUASHON DI LAMAN BRUTU NA KOSTANAN DI BONEIRU

gobiernu-di-bonaire

Debí na efektonan di Orkan Matthew SITUASHON DI LAMAN BRUTU NA KOSTANAN DI BONEIRU

Kralendijk – Awe den oranan di mainta por a nota ku laman na kostanan di Boneiru a bira sumamente brutu ku olanan grandi ku ta bati riba kosta.
Esaki por sierto ta efektonan di Orkan Matthew ku tin influensia ketu bai den nos área.
E laman brutu ta di tal forma ku te hasta ku na sierto partinan manera entre otro Belnem i Punt Vierkant laman ta subi tera i por ta hopi peligroso. Na e momentunan aki, outoridatnan kompetente ta hasiendo trámitenan pa aliviá e situashon pa evitá daño nan na bibiendanan ku ta kantu di kosta. Tambe ta tratando la lokalisá habitantenan di e kasnan ku ta kore riesgo pa evitá eskalashon.
Ta rekomendabel pa no bai hopi serka sigur no den e área kantu di kosta.
E situashon di tempu aki lo dura te ku mañan i den transkurso di awe lo por empeorá.
Ta hasi un súplika pa doño nan di boto pa tuma e pasonan nesesario pa evitá daño na nan propiedat i tambe ta rekomendabel pa piskadónan awe no subi laman. Meskos ta konta pa deportenan akuátiko , manera buseo, snòrkel, kite- i windsurf.
Lo sera sierto kareteranan na kosta i ta pidi outomobilistanan tene kuenta ku esaki.
Pa kualke eventualidat por yama number di emergensia 911, miéntras ku den kaso ku mester di asistensia pa por ehèmpel saku di santu por yama telefon 717 8673.
Tur informashon por haña riba páginanan di facebook di Gobièrnu di Boneiru.

Tim di kalamidat lo sigui vigilá e situashon, miéntras ku outoridatnan ta tumando medidanan di prekoushon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: