E MIHO PA MI REI. Disko kompakto nobo, genero gospel pronto riba merkado

E MIHO PA MI REI. Disko kompakto nobo, genero gospel pronto riba merkado

Crossover Foundation, den persona di Widney Martha, próksimamente ta lansa e disko kompakto “E Mihó Pa Mi Rei”.
Pa e okashon aki Widney a invitá algun artista di Gospel pa paresé riba e disko kompakto aki. Awe promé ku e lansamentu ofisial di e disko kompakto nos ta lansa e kansion : Hibami Serke Rei, ku Veanira Reed.
Nos pais mester di Dios, nos no por bira lomba p’E. E kantika aki ta mustra nos entre otro ku nos mester bai serka E Rei ku ta Dios i laga E ta nos guia. Speshalmente den tempu turbulento pero ku speransa pa miho dianan.

Hopi bia ora nos tin doló nos ta buska varios kaminda i fórma pa kalma nos doló pa tòg na final nos keda defroudá di un forma òf otro. Nos mester realisá ku e úniko ku por kalma nos doló i duna nos guia bèrdadero i duradero ta e Rei mes i niun otro hende, kos, organisashon òf instansia. Esaki e kansion partikular aki ta trata di dje.

Veanira Reed ta konosí pa su bunita bos, ekselente presentashonnan den p.e. Un Kanto pa Kòrsou, kaminda ela destaká i sali ganadó na aña 2012. Veanira ta un worshipleader pa varios aña kaba i ta e persona perfekto pa karga e kansion aki.

Nos ta spera ku e mensahe den e kansion aki ta mishi ku hopi hende i duna e speransa ku serka E Rei tin tur kos, basta bo habri bo kurason, konfi’E i dun’E espasio pa traha.

E disko kompakto E MIHO PA MI REI, pronto ta riba merkado. Keda pendiente i mientras tantu disfrutá di e mensahe den e bunita kansion aki . E vershon original Take me to the King ta di Tamela Mann.
Pa mas informashon por tuma kontakto ku Widney Martha di Crossover Foundation na telefòn +5999 6907416 òf via mail widneymartha@hotmail.com

Na nòmber di Crossover Foundation
Silvana Willems Trinidad