Advertisements

BRIGADA DI SEGURIDAT I FORMASHON TA HABRI KU SU TEMPORADA DI REKLUTASHON 

​Brigada di Seguridat i Formashon ta habri  ku su temporada di reklutashon kumisando 1 di novèmber i finalisá 15 di yanüari 2017
Willemstad – Manera tur aña Brigada ta duna oportunidat na hóbennan pa skirbi nan nòmber pa forma parti di e Brigada. Brigada di Seguridat i Formashon ta duna hóbennan entre 12 pa 25 ku ta dispuesto pa eksperenshá algu otro i ke desaroyá un karakter firme i desididó e chèns pa inskribí. 
Abo Hóben masha dia bo tabata kier a forma parti di brigada awel ata bo oportunidat pa ta parti di Brigada di Seguridat i Formashon. E periodo di reklutashon ta kuminsá 1 di novèmber 2016 i klousurá 15 di yanüari 2017 den un dia habrí.
Brigada di Seguridat i Formashon ta un proyekto di Fundashon Bos di Hubentut kaminda hóbennan entre 12 i 25 aña ta vigilá seguridat di mucha hóben durante eventonan públiko. E idea di brigada a lanta na aña 2004 ora Hudraine Papa a bira viktima den e aktividat públiko di seú kual a kosta su bida pa falta di seguridat. E aksidente aki a motivá Fundashon Bos Di Hubentut pa tuma inisiativá pa lanta un brigada  formá dor di hóben bon prepará mental i físikamente pa por duna asistenstia den aktividatnan manera karnaval di mucha, parada di tiner, Seú i otro aktividat públiko. Miembronan di BSF tur wikènt ta sigui trainingnan intensivo di entre otro: training di kondishon i training mental. Miembronan di brigada ta partisipá na aktividatnan manera “Survival Camp”, “Trainings Camp”, EHBO i teambuilding. Brigada ta traha tambe en koperashon ku organisashonnan manera kuerpo polisial, Vrijwilligerskorps Curaçao (VKC), Duana, CITRO i Brantwer Kòrsou.
Pa por inskribí pa bira miembro, subi riba nos wèpsait http://www.brigadadiseguridat.com pa yena e formulario di inskripshon. Pa esaki ta bálido mester entregá  un kopia di sédula, pasfoto i 20 florin. Por pasa na Fundashon Bos di Hubentut na Jan Otzenstraat z/n di 08.00 AM (8 or di mainta) pa 17.00 PM (5 or di atardi). Keda pendiente pa nos dia habrí 15 yanüari 2017. Riba e dia aki lo tin demostrashon di diferente training i informashon di Brigada di Seguirdat i Formashon. Hóbenan for di 12 aña tambe por inskribí pa forma parti di e brigada.

Pa mas informashon por tuma kontakto ku Fundashon Bos di Hubentut na 462 – 2442, 461- 8103 òf mail nos na bsf@bosdihubentut.com. Por hasi nos un bishita na Jan Otzenstraat z/n, Mundu Nobo

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: