PONE ATEMSHON NA E PRONOSTIKO AKI: Pronóstiko di tempu pa Kòrsou i bisindario bálido te djaluna mainta 06:00 o.l., 21 di novèmber 2016.

Pronóstiko
Pronóstiko di tempu pa Kòrsou i bisindario bálido te djaluna mainta 06:00 o.l., 21 di novèmber 2016.
Kompilá: Djadumingu 20 di novèmber 2016, 05:00 o.l. (09:00 UTC)
Tempu: Parsialmente nublá, temporalmente hopi nublá ku lokalmente algun áwaseru i ku posibilidat pa welek ku bos.
Temperatura máksimo lo por alkansá 32°C. i temperatura mínimo 25̊C. 
Solo ta sali 06:36 i ta baha 18:07 o.l.
Bientu: For di prinsipalmente direkshon ost, forsa 2 te 4 (7 te 30 km/ora, 4 te 16 nudo). Prinsipalmente durante di áwaseru, de bes en kuando basta fuerte den ráfaga; forsa 5 (31 te 39 km/h, 17 te 21 nudo). 
Situashon general: Un disturbio den bisindario di nos region durante di próksimo 24 ora lo sigui sòru pa formashon di bastante nubia. Lokalmente e nubianan lo generá áwaseru i tin posibilidat tambe pa welek ku bos.
Kondishon di laman: Por lo general trankil ku altura di olanan di ménos ku 1 meter (ménos ku 3 pia).

Sistemanan signifikante di wer tropikal: Ningun.

Fenómeno spesial: Ningun.
Perspektiva te djamars mainta: Parsialmente nublá ku chèns pa un áwaseru breve durante oranan di mainta.

Meteorólogo: Luciano.

E próksimo boletin di tempu lo wòrdu publiká djadumingu 11:00 o.l. (15:00 UTC).