DIPUTADO ROLANDA HELLBURG MAKAAI KU BISHITA DI TRABOU NA COLOMBIA

DIPUTADO ROLANDA HELLBURG MAKAAI KU BISHITA DI TRABOU NA COLOMBIA

Kralendijk – Diputado di deporte Rolanda Hellburg Makaai ta bai Medellin Colombia den kuadro di weganan eskolar di e païsnan Suramerikano (Consude). Na e evento magno aki tur e Païsnan Suramerikano ta partiispá den nuebe ramo di deporte.
Na e weganan eskolar aki e mihó atleta di e païsnan menshoná di12 pa 14 aña ta tuma parti
E enkuentro lo ta di 11 pa 18 di desèmber próksimo. Fuera di e kompetensianan deportivo aki, tin un reunion general pa tur e minsternan di deporte di e diferente païsnan komo tambe diferente enkuentro di e Ministernan di diferente Païs ku ta partisipando. Debí na palabrashon i regla nan vigente Boneiru no por tuma part na e weganan eskolar e ana aki pero nan mester analisá tur e deportenan p’asina otro aña ora ku Boneiru lo partisipa den e mesun weganan eskolar di Consude na Cochabamba Bolivia Boneiru, sa kiko e nivel di e deporte ta.
Tambe mester remarká ku pa loke ta trata Karibe Boneiru ta e uniko ku a haña e oportunidat pa partisipá na e weganan eskolar aki.
Komo tal diputado Hellburg-Makaai ta sumamente kontentu i orguyoso.