Minister Rhuggenaath a pone su mes na altura di desaroyonan CURINDE, KU PARKE INDUSTRIAL BRIEVENGAT 100% OKUPA, TA PONE HOPI ENFASIS RIBA SEGURIDAT I SAFETY


Minister Rhuggenaath a pone su mes na altura di desaroyonan CURINDE, KU PARKE INDUSTRIAL BRIEVENGAT 100% OKUPA, TA PONE HOPI ENFASIS RIBA SEGURIDAT I SAFETY

Willemstad- Seguridat i “safety” ta di vital importansha den un Parke Industrial sin mas, aun mas si tuma na konsiderashon e desaroyonan den mundu. Nos Parke Industrial na Brievengat, manehá pa Curinde, ta 100% okupá i ta un rason mas pa sobr’é enfatisá e importansha pa e empresanan establesé den e parke pa duna atenshon na prevenshon i limitashon di e rísikonan. Curinde, durante un presentashon, a kompartí ku representante di e empresanan den e parke informashon balioso di kiko Curinde mes ta hasi pa duna atenshon speshal na seguridat i safety pero tambe kiko e kompanianan di nan parti tin di hasi i aportá na esaki. Minister enkargá ku Desaroyo Ekonómiko, Sr. Eugene Ruggenaath tabata presente na e presentashon i alabes a hasi uso di e oportunidat pa bishita algun empresa den nos Parke Industrial na Brievengat.
Curinde a bin ta invertí , meskos ku for di tur e otro parkenan operá pa Curinde, pa hasi operashon for di Parke Industrial Brievengat mas atraktivo i konforme eksigenshanan moderno. Esaki ta únikamente posibel danki na koperashon di empresanan ku tin nan operashon den e parke. E okupashon di 100% di nos Parke Industrial ta ilustrá e utilidat di e parke pa esnan ku ta hasi negoshi for di e parke. Durante di su bishita, Minister Ruggenaath mes a tuma nota di e desaroyonan positivo na algun di e empresanan den e Parke Industrial na Brievengat.
Tantu seguridat komo “safety” ta aspektonan ku debidamente mester duna atenshon na nan awendia. Ámbos tin benefisio pa e kompanianan establesé den e parke, nan klientenan, nan empleadonan i Curinde komo manehadó di e parke. Curinde ta sigui invertí den tantu maneho, kapasidat humano, pero tambe infrastruktura, pa garantisá seguridat i “safety” den Parke Industrial Brievenagat komo den tur e otro parkenan manehá pa Curinde.
Riba pòtrètnan:
1. Robert Provence di Curinde ta tene presentashon tokante seguridat i “safety” na representante di empresanan den Parke Industrial na Brievengat den presensha di Minister Rhugeggenaath

2. Minister Eugene Rhuggenaath den kombersashon ku representante di empresa den Parke Industrial na Brievengat;

3. Minister Eugene Rhuggenaath den kombersashon ku representante di empresa den Parke Industrial na Brievengat.
pic-1-presentashon-curinde-na-empresanan-parke-industrial

pic-2-min-rhuggenaath-di-bishita-na-parke-industrial-brievengat-1

pic-3-min-rhuggenaath-di-bishita-na-parke-industrial-brievengat-2

Advertisements