2.9% mas turista di estadia den e promé 11 lunanan di 2016 / Topic: 2.9% more stayover arrivals in first eleven months

2.9% mas turista di estadia den e promé 11 lunanan di 2016

WILLEMSTAD- 22 di desèmber 2016 – Sifranan preliminar kolektá pa Ofisina di Turismo di Kòrsou (CTB) ta indiká un kresementu di 2.9% durante e promé 11 lunanan di aña 2016, esaki lagando afó e impakto negativo di Venezuela riba e kantidat di turista risibí durante e aña aki. E kantidat di bishitante registrá for di Venezuela a mustra un bahada e aña aki kousando un impakto negativo riba nos prestashon total. Pa e promé 11 lunanan di aña Venezuela a registrá un total di 28.894 turista ménos den e promé 11 lunanan, resultando den 34% ménos kompará ku aña pasá den mesun temporada.

Entre yanüari i novèmber di 2016, Kòrsou a registrá 401,728 turista, esaki ta un bahada di 5% kompará ku aña pasá. Nort Amérika a alkansá un total di 69,808. Un bahada den turistanan for di Sur Amérika, partikularmente Venezuela, a kousa un kaida di 23% den e region pa un registro total di 97,853 turista. For di Caribe a registrá 31,533 bishitante. Europa ku 188,472 bishitante a kontinuá ku un prestashon sólido ekivalente na un kresementu di 4% kompará ku e mesun periodo di 2015.

CTB i MEO ta hasi uso di e modelo ‘Turistika’ pa kalkulá e kresementu ekonómiko generá for di industria di turismo. Durante e promé 11 lunanan di 2016, sektor di turismo a generá un impakto direkto di $454.9 mion pa nos ekonomia lokal. Turistanan prosedente for di Europa a generá un total di $237.6 mion florin kual ta 52.2% di e totalidat. Nort Amérika, Sur Amérika i otro regionnan a generá respektivamente $91.9, $94.2 i $31.2 mion.

Turismo di estadia na luna di novèmber 2016

E merkadeo i promoshon hasí pa KLM Curaçao Marathon na Hulanda for di 2014 pa awor, ta mustrando resultadonan positivo. Na novèmber, Kòrsou a registrá 13,249 bishitante for di Hulanda, un oumento di 3% kompará ku e mesun periodo aña pasá. E kantidat di bishitante for di Alemania ku a keda registrá tabata un oumento di 4% alkansando un total di 2,371, esaki ta resultado di un bon konekshon aéreo. Total, a registrá 17,712 bishitante for di Europa, ekivalente na 1% di kresementu.

Festival i eventonan spesial ta un medio importante pa boost nos industria turístiko. E promoshon pa Summer Fall Festival i Curaçao Extreme Finals den koperashon ku CTB a mustra efektonan positivo. Region di Caribe a registrá un oumento di 6%, ekivalente na 3,220 bishitante den novèmber 2016. Aruba a krese ku 19%, i a registrá 1,569 bishitante.

Kòrsou a risibí 5,702 turista di estadia for di Nort Amérika na novèmber 2016; un bahada di 11%. Esaki ta resultado di un luna slow, ku no a duna e kresementu ku nos a antisipá. Caribe engeneral a pasa dor di un temporada mas slow; bishitantenan for di Merka a spar pa durante di wenter biaha pa destinashonnan Sur, un poko mas kalor. Luna di novèmber tabata un luna inpredesible i tenso, konsiderando elekshon na Merka. Esei mes a forsa merikanonan pa keda nan pais, vota i partisipá na kampaña miéntras ku e luna elektoral ta desaroyá. Kòrsou a registrá 4,671 bishitante for di Merka i 1,035 for di Canada.

Region di Sur Amérika a registrá un total di 6,728 turista. Maske ku e resultado di elekshon na Merka a afektá e kambio di dòler/peso negativamente, tòg a registrá mas bishitante for di Colombia kompará ku aña pasá. Na novèmber a registrá 1% di kresementu ekivalente na 1,193 bishitante for di Colombia. Konsistensia den marketing i un bon PR den e merkado na Brasil a duna resultadonan positivo durante di e último lunanan, i novèmber no ta un eksepshon. Brasil a registrá un kresementu di 61% ekivalente na 721 bishitante den novèmber.

Sifra kantidat di anochi
Na novèmber nos a registrá un kresementu averahe den kantidat di anochi pa estadia di 10%. Turistanan a keda un averahe di 8.1 anochi na novèmber. Aña pasa e kantidat di anochi averahe pa persona tabata 7.4. E kantidat di anochi ku e turista a keda riba nos pais na novèmber 2016 a konosé un bahada di 11%. Un total di 279.837 anochi a keda registrá kompará ku 313.805 na aña pasá. Esaki ta komo resultado di e bahada den kantidat di turista di estadia.

KLIK AKI: https://www.dropbox.com/s/ktj7jbxwjequmyc/Preliminary%20November%202016%20arrivals%2012192016.pdf?dl=0


Topic: 2.9% more stayover arrivals in first eleven months

WILLEMSTAD – The Curaçao Tourist Board (CTB) reports a preliminary growth of 2.9% during the first eleven months of 2016, when leaving aside the negative impact from Venezuela on the year to date arrivals. Traffic from the neighbor country Venezuela showed a slowdown this year causing a negative impact on our overall performance. Venezuela, plagued by the ongoing economic challenges, is short by 28,894 visitors in the first eleven months, resulting in a 34% decrease on the year to date performance.

Curaçao welcomed in total 401,728 stayover visitors between January and November 2016, a decrease of 5% compared to the same period in last year.
Stayover visitor arrivals from North America have reached a total 69,808. A falloff in travelers from South America in particular from Venezuela, has caused a decrease 23% to reach a total of 97,853. From the Caribbean we welcomed 31,533 visitors. The European market, with 188,472 stayover visitors, continued its strong performance with a growth of 4% compared to the same period in 2015.

CTB and MEO utilizes the ‘Turistika Model’ to calculate the economic impact generated from the tourism industry. During the first eleven months of 2016 a direct impact of $ 454.9 million US dollars is generated for the local economy. 52.2% of the total direct impact is generated from European visitors who are responsible for $ 237.6 million US dollars. The North American, South American and other regions generated respectively $ 91.9, $ 94.2 and $ 31.2 million US dollars.

November Arrivals 2016

The strong marketing and sales promotion of the KLM Curaçao Marathon in the Netherlands from 2014 and beyond is showing positive results from Holland. In November, Curaçao welcomed a total of 13,249 stayover visitors from the Netherlands, an increase of 3% compared to the same period last year. The amount of stayover visitors from Germany registered an increase of 4% reaching a total of 2,371, a result of good air connectivity. In total we welcomed 17,712 European visitors, a 1% growth.

Festivals and special events have been and continue to be an important medium to boost the tourism industry. The promotion of the Summer Fall Festival and the sport event Curaçao Extreme Finals in collaboration with CTB is causing measurable effects. The Caribbean region registered an increase of 6%, reaching a total of 3,220 stayover visitors in November. Aruba with a total 1,569 stayover grew by 19%.

We registered a total of 5,702 stayover visitors from North America in November. The 11% decrease is the outcome of a soft month that didn’t deliver the growth that we’ve anticipated. The Caribbean in general is pacing slower low seasons, as US visitors are pending and saving to see the winter turn-out to escape down South to warmer destinations. November month was an unpredictable and tense election month, forcing Americans to rather stay home, vote, rally, campaign and watch the developments, than to be disconnected in a foreign country. In November Curaçao welcomed 4,671 stayover visitors from the United States and 1,035 stayover visitors from Canada.

In November we welcomed a total of 6,728 stayover visitors from South America.
Although the outcome of the US election affected the dollar/peso exchange rate negatively, Colombia arrivals still performed well compared to last year. In November we registered an increase of 1% to a total of 1,193 stayover visitors from Colombia. Consistency in the marketing and PR efforts has led to positive outcomes for the past few months and the November month is no exception. Brazil registered a growth of 61% to a reach a total of 721 visitors in November.

Visitor Nights:

In November we registered an increase of average visitor nights per stay of 10%. On average visitors stayed 8.1 nights in November. Last year the average nights per person was recorded at 7.4 nights. In terms of visitor nights a decrease of 11% is recorded in November 2016. A total of 279,837 visitor nights were registered compared to 313,805 last year. This is a result of the reduced amount of visitors.

Click Here: https://www.dropbox.com/s/ktj7jbxwjequmyc/Preliminary%20November%202016%20arrivals%2012192016.pdf?dl=0


This site uses Akismet to reduce spam. Learn how your comment data is processed.

error: Content is protected !!
%d bloggers like this: