ORANJESTAD ARUBA KOMUNIKADO DI POLIS

Durante kontròl, polisnan a wòrdu aserká pa un dama di nòmber S.E., na altura di Club +297.
El a deklará na polis, ku el a haña un problema ku su chèf di e negoshi ariba menshoná.
El a sigui deklará mas aleu ku ora su chèf ta bou di influensia di alkohòl, e ta busk’é problema.
Na e sitio ya e chèf a bai.
Polisnan a papia ku e kahera di e negoshi, e dama D.J.M.B.D.
El a deklará ku ta kada bes nan ta haña problema ku S.E, ya ku e no ke traha su trabou.
A hala tur 2 su atenshon i dirigínan na departamentu pa asuntunan di labor.
A pone SCP na altura di e kaso.
=======================
       SHÒFÙR BURACHI
Patruya a nota ku e shòfùr di un outo shinishi di e marka Nissan, modèl Tiida, numerá A- 43175, koriendo den direkshon suit riba Weg Seroe Pretu, na altura di Filomena College, bayendo Bernhardstraat.
Payruya a duna e shòfùr señal pa para, lokual el a hasi.
Polisnan a aserká e shòfùr i a nota ku e tabata fuertemente bou di influensia di bebida alkohóliko.
E tabata papia lenga bruhá i tabata hole alkohòl.
A dun’é òrdu pa baha for di e outo. Aki polisnan a ripará ku e tabata para ínstabil riba su pianan i ku e tabatin wowo kòrá.
Pa e motibu aki el a wòrdu detené alrededor di 02:30, konforme artikulo 5.
E sospechoso di nòmber E.G.Rivera Ortiz.
A hibé inmediatamente na warda di polis San Nicolaas, pa despues present’é dilanti H.O.V.J.
Rivera Ortiz a wòrdu pasá ps warda di polis Sta. Crux.
A tèst e riba e aparato di supla i el a supla 735 ug.
Mirando e hecho ku e no tabatin reibeweis huntu kuné, no por a kité foi dj’é.
Den e dashboard tabatin un formulario pa un sita pa e presentá dilanti audiencia públiko dia 25 di oktober 2016 pa 11:00.
A sali na klá ku e sospechoso a wòrdu detené pa korementu di outo bou di influensha di alkohòl dia 06 di yüli 2016.
E outo numerá A- 43175 no por a start i a wòrdu pushá i lagá atras na lòk na pòmpstashòn Valero na Bernhardstraat.
Mirando e hecho ku ya e sospechoso a wòrdu detené i ku probablemente ya a hala su reibeweis aden i ku na momentu di lagué bai, lo laga otro pèrsona manehá e outo.
=======================
   PÈRSONA TA FAYESÉ.
Informante ta deklará ku un amigu di dje ku ta biba patras di Circkle K, a fayese.
Informante ta deklará ku e hòmber su kurpa ta kompletame te friu.
=========
SCP a dirigi patruya na koningstraat 4, kaminda probablemente tabatin un hende morto.
Na e sitio polisnan a konstatá ku tabatin un pèrsona riba kama i ku no ta reakshoná.
A pone SCP na altura. A pidi un ambulans, kua a yega na e sitio pa banda di 09:17.
A buska dòkter i dòkter Anthony a presentá pa banda di 09:43.
Dòkter Anthony a konstatá morto di e hòmber di nòmber Silverio Antonio Torrealba, pa banda di 09:47.
Dòkter a deklará ku tabata un morto natural
Slachtofferhulp tambe a presentá na e sitio i a tuma kontakto ku kònsel Venezolano,  mirando e hecho ku e difuntu no tabatin famia riba e isla.
A pone Aurora na altura i pa banda di 11:10 , nan a presentá i a bai ku e kurpa.
A pone SCP na altura di e kaso.
=======================
      PLAN DI SUISIDIO.
A drenta mèlding via AC ku un tata a topa su yu kologá i a yega na tempu pa skap’é.
AC tabata na kaminda.
=======================
CP a dirigí patruya na Santa Lucia pa un hómber ku tabatin plan di kometé suisidio.
El a kologá su mes.
Ya ambulans tabata na e sitio ora ku polisnan a yega.
Na e sitio polisnan a papia ku e dama di nòmber V, kende a deklará ku é i e hòmber K ta den un relashon pa masomenos 1aña.
E dia ey nan tabatin un diskushon . K a deklará na V ku e lo kita su mes bida i ku V lo haña sorpresa serka dje.
Despues di e diskushon V a bai laba paña i a disidí di bai sinta kòmbersa ku K.
El a topa ku K kologá bou di un dak pafó di e bibienda.
V a lòs e kabuya for di su garganta i buta K na suela..
Segun V , K tabata inkonsiente, pero despues di un ratu a kuminsá hala rosea.
V ta sigui bisa ku esaki no ta e promé biá ku K kier a kita su mes bida.
K a wòrdu transportá pa ambulans pa hòspital pa mas tratamentu médiko.
E pèrsonal di ambulans a deklará na polis ku segun nan, K lo tabata bou di influensha di un of otro droga.
Polisnan a papia ku e tata di K, kende a deklará na polis ku e no tabata na kas durante e suseso.
I ku el a wòrdu poné na altura dor di V, kende a bèl’e.
K a deklará na polis ku su yu ta uza mas tantu marihuana, pero ku e ta sospechá ku e lo ta uza algu otro.
En konekshon ku esaki a pidi yudansa di slachtofferhulp.
SCP a wòrdu poné na altura di e kaso.
=======================
SCP a dirigí patruya na un kas na De Vuyst pa un kaso di kiebro.
Na e sitio polis a papia ku e dama J, kende a deklará ku deskonosínan a kibra drenta den su kas.
Deskonosínan a bai ku un radio Panasonic, modèl deskonosí, kolor pretu i un televishon di e marka Samsung, modèl deskonosí, kolor pretu. Un bòx di televishon di Direct tv, kolor pretu.
SCP a wòrdu poné na altura.
=======================
MOLÈSTER AWA DI BERPÙT
CP a dirigí patruya na Tanki Leendert 181-M, pa un kaso di molèster di awa di berpùt.
Na e sitio, un dama a aserká polis i a kuminsa papia yen kos bruhá den otro.
E.O. ku ta é tabata e informante, di manera ku polisnan no por a sigui loke e tabata papiando.
Polisnan a hañanan obligá di bisa e señora pa e trankilisá su mes i papia mas trankil i pidi’é si e por laga polisnan baha for di outo, pa asina nan por mira e situashon.
Despues ku polisnan a baha pa mira e situashon, nan a topa un situashon kaminda e doño di e apartamentunan na Tanki Leendert 181-M, di nòmber RG Groters (ku ta situá na parti nort di Colegio Ora Ubao), tin molèster di awaseru ku ta keda pará riba tereno di e skol ya menshoná.
Esaki ta okashoná ku e habitantenan di e apartamentunan ta haña molèster di muskita.
Ademas e awa ta sak den tera i ta bai den berpùt di e apartamentunan.
Dor di esaki e tin di laga hala e berpùt kada 5dia.
El a disidí di pone un pòmp riba e tereno pa pòmp e awa i laga e awa kore bai riba kaminda.
E habitante di Tanki Leendert 181-M, no a keda kontentu kon polisnan a aktua.
Ku polisnan mester a wak e  situashon promé i skucha kada partido pa yega na un solushon pa e problema.
Despues ku polisnan a kaba di skucha e habitante su vershon, e no ke a skucha loke polisnan ke a spliké.
E só kier a papia i no ke skucha.
Segun é, e tabatin molèster di e awa ku tabata keda pará na e retònde dilanti su kas.
Su kas ta konstruí na un bahada i dor di esaki tur e awa ta bai direkshon di su kas i keda pará eynan
E habitante di Tanki Leendert 289-E, di nòmber E.F. Trimon a deklará ku pa años e tin molèster di holor stinki ku e berpùt ta okashoná.
Lastu añanan, segun e, Groters a kombertí su kas den un kompleho di apartamentu i dor di esaki e berpùt di e kas ta haña preshon.
Kada 5 dia e trùk tin di bin hala e berpùt.
E habitante di Tanki Leendert 289-D di nòmber E.G. Romano a deklará ku e tin problema ku su bisiña dor ku el a sera un abrida ku D.O.W. a traha.
Pa evitá mas problema, polisnan a bisa Groters pa paga e pòmp i pa djaluna e papia ku direktor  di Ora Obao pa yega na un solushon.
El a mustra komprenshon i lo regla un ke otro ku e direktor di e skol.
A mustra kada partido riba nan derecho, ya ku e ta un problema di D.O.W.
Ademas lo pone esun ku ta na kabes di e rayòn na altura.
CvD i CP a wòrdu poné na altura di e situashon.
=======================
MALTRATO DI BESTIA.
Página di Facebook, :”AnimalAbuse Repòrt Aruba” a kompartí riba nan página, un kaso di maltrato di bestia, na e adrès  Balashi W.E.B. 88.
Nan a kompartí algun potrèt riba Facebook, di un kachó den kurá di e adrès menshoná den un kouchi trahá di betònmat.
E kouchi no tabatin algu pa kubri solo o awaseru.
En konekshon ku esaki, polisnan a disidí durante kontròl pa bai na e adrès.
Na e sitio polisnan a papia ku e dama di nòmber F.L, kende a deklara ku enbèrdat algun dia pasá, un señora di dierenbescherming a pasa i papia tokante e kacho. E ora ey el a sera e kachó den kouchi, dor ku e kachó a kibra e kadena i mester a warda riba e  yu hòmber pa mara e kachó.
El a komprondé tambe ku e kouchi mester wòrdu kubrí.
El a keda di papia ku e yu hòmber
CvD a wòrdu poné na altura
E kaso tin atenshon.
=======================
    DALMENTU DI OUTO.
CP a dirigi patruya 2-84, na altura di Sun Plaza en konekshon ku un kaso di dalmentu.
Na e sitio a enkontrá e vehíkulo boka ariba.  I e shòfùr ainda tabata den e vehíkulo.
Djis despues departamentu di trafiko a yega i tuma e kaso over.
=======================
Mientrastantu pa banda di 18:45, CP a mèldu di un atrako harmá na la Estrella den Certified Mega Mall.
Na e sitio tabatin den e lokalidat 2miembro di prensa i 3 dama .
Polis 2-83 a papia ku e dama di nòmber C ( bendedora di la estrella), kende a deklará na polis ku algun minüt pasá, ora ku el a bai pa lòk e porta di e lokalidat, a drenta un hòmber puntrando si e por wak e brelnan .
Mientrastantu a drenta un otro hòmber .
Esaki a lòk e porta. E otro a kuminsá papia na spaño i ordená ambos dama pa para kontra muraya i pa koperá ku nan , sino lo e tira nan mata..
E dama ta sigui bisa ku e promé hòmber ku a drenta, ta haltu di un postura delegá.
E tabatin un shirt di manga largu kolor blou skur i un karson kòrtiku.
E di dos hómber tabata kòrtiku, delegá, tabatin un shirt di manga largu pretu i jean pia largu bistí i un pèchi “camouflage”.
CPa wòrdu pone na altura.
Atrako team ta sigui ku investigashon.
=======================
             MALTRATO
Durante kontròl, patruya Noord a wòrdu dirigi dor di SCP pa para un outo di marka Suziki, modèl SX4  ku e plachi number A-35134.
E outo ariba menshoná a wòrdu pará na altura di e negoshi di Chevrolet.
Polisnan a wòrdu aserká dor di e damanan di nòmber W i N.
Nan a deklará na polis ku nan a haña nan  ku problema ku e pèrsonanan ku tabata den e outo ariba menshoná..
N a bisa polis ku ora e i su famia tabata na e sentro di dibertishon, a yega un dama di nòmber B, ku ta konosí p’e i a kuminsa bringa kuné.
N ta pensa ku esaki tin keber ku su ex amigu, e hòmber di nòmber S., kende tambe tabata den e outo menshoná.
Dor di esaki N i su famia a bai.
W a deklará na polis ku ora nan tabata riba kaminda pa warda di polis Sta. Cruz, nan a mira e outo menshoná den bisendario di e kas.
I ku e pèrsonanan  den e outo a grita nòmber di su yu muhé (NAVAS).
Dor di esaki a kuminsa un persikushon.
Polisnan a papia ku e pèrsonanan ku tabata den e outo.
S a deklará na polis ku e no tsbata sa di e pelea entre
N i B.
El a deklará mas aleu ku N tabata su ex amiga i ku e tin B komo ruman.
B a deklará na polis ku enberdat el a bringa ku N, pasobra e tabata rabiá ku N, ku pa su motibu e  relashon entre e i S a termina.
Tabatin otro 2persona den e outo. E hòmbernan di nòmber NB i KF
NB a deklará na.fpolis ku nan tabata na kaminda pa Sta. Cruz , pa laga NB na kas i despues di esaki a wòrdu perseguí..
Mas aleu el a deklará di no sa nada di e problema.
SCP a a wòrdu poné na altura di e kaso.
=======================
   MALTRATO DI BESTIA.
E página di FB,  Animalķ. Abuse Report Aruba, a kompartí riba nan página , un kaso  di maltrato di bestia, na e adrès, Juana Mortostraat 84.
Riba nan página di FB , nan a kompartí algun potrèt di un kachó mará den kurá di e kas menshoná.
Por a mira ku e kachó tabata flaku i tabatin un herida na su orea drechi.
En konekshon ku esaki, polis a disidí pa bai na e adrès durante un patruya.
Na e sitio polisnan a konstatá ku e kachó tabata mará na un kadena di masomenos 5meter.
Enbèrdat polisnan a nota ku e kachó tabata flaku i ku e tabatin un herida na su orea drecbi.
Sí e tabatin un lugá pa skonde awa i solo.
Polisnan a papia ku e dama doño di e kachó, C Jones.
Jones,  a deklará ku e kachó a haña un herida, durante un pelea ku un otro kachó.
Pero ku e ta tratando e herida.
I e motibu dikon e kachó ta flaku, el a funa di konosé ku e kachó ta malu i ku ta apenas algun dia pasá e kachó a kuminsa kome.
Polisnan lo sigui monitor e situashon.
CVD na warda a wòrdu pone a altura di e kaso.
=======================
  MALTRATO DI BESTIA.
E página di FB”Animal Abuse Report Aruba”, a kompartí riba su página, un kaso di maltrato di bestia na e adrès, Caya Corsou 2.
Riba nan pág di FB, nan a kompartí algun potrèt di un kachó ku ta den kurá di e kas, tabata mará na un kadena di masomenos 3meter.
Por a mira ku e kachó no tabatin kaminda
pa skonde ni solo ni awa.  I tambe ku e kachó tabata flaku.
En konekshon ku esaki polis a disidi pa durante patruya, pa bai na e adrès.
Na e sitio no a topa ku niun hende na kas. Polisnan a subi riba muraya i a konstatá ku enbèrdat e kachó tabata flaku.
..
. I no tsbatin un lugá adekuá pa skondi kontra solo ni awa.
E kaso tin atenshon di polisnan.
Den e kaso aki, polisnan lo keda monitòr e situashon.
CVD na warda a wòrdu poné na altura di e kaso.
=======================
     MALTRATO DI BESTIA.
Página di FB”Animal Abuse Report Aruba”,a kompartí riba nan página, un kaso di maltrato di bestia na e adrès Balashi W.E.B 88.
Riba e página nan a kompartí algun potrèt di e kachó ku  den e kurá di kas menshoná tabata den un kouchi di 2 1/2m pa 1 1/2m masomenos.
E kouchi no tabata kubrí di moda ku e kachó por skonde kontra awa i solo.
En konekshon ku esaki polis a disidí pa bai na e adrès durante patruya.
Na e sitio no a topa ku niun hende na kas.
Polisnan a mira ku enbèrdat e kouchi no tabatin protekshon kontra awa i solo. Pero ora ku polisnan a bai eynan , e kachó no tabata será den e kouchi.
E tabata mará na un kadena di masomenos 5meter di moda ku e por drenta i sali for di e kouchi.
Segun bisiñanan e habitantensn ta yega kas pa banda di 19:00.
Polisnan a tuma e enkargo pa pasa mas despues na e adrès pa papia ku e doño.
CvD na warda a wòrdu poné na altura di e kaso.
=======================
             DALMENTU
Riba 18 di desember 2016, pa banda di 16:45 a yega na warda di polis na Balashi, e hòmber di nòmber S, hasiendo un denunsia di in insidente. La
El a deklará ku riba 18 di desember 2016, pa banda di 19:00, e tabata koriendo su outo.
Mas aleu ela deklará ku un kachó pretu a krusa su dilanti di manera ku el a dal e kachó.
E kachó a kore bai.
E hòmber S a mustra polis su outo, un Toyota Altezza, numerá A-63835.
Polis a mira ku e bùmper dilanti parti robes i tambe e lus a skuif.
=======================