KOMUNIKADO KUERPO POLISIAL ARUBA 18 YANUARI 2017

A DETENÉ S.J.J de CUBA.
SCP a dirigí patruya na Erasmusstraat, kaminda 2 pèrsona tabatin un sospechoso tené en konekshon ku un kiebro na LA GRANJA.
Na e sitio polisnn a papia ku e hòmbernan E i T, kende a deklará ku nan tabata pará pafó di Wong Sheung Wong, ora ku nan a tende kon un glas a wòrdu kibrá. Nan a bai direkshon LA GRANJA, nan a kontrolá i a mira 2 hòmber kore sali for di LA GRANJA ku un flètskrin.
Nan a pèrsiguí nan, pero a logranan di detené solamente un di e sospechosonan.
Na e sitio mes, pa banda di 3:15, polisnan a tuma e sospechoso SJJ de Cuba over i a detené.
Na warda, pa banda di 3:50 a presentá de Cuba dilanti HOvJ, pa mas investigashon.
E flètskrin di marka Viore a wòrdu tumá den beslag.
Na e sitio, polisnan a ripará ku de Cuba tabata bludu for di nanishi i boka.
A sali na klá ku ta durante korementu e lo a kai i tabata purba bringa ku E i T.
E i T a deklará ku de Cuba a menasá ku e lo tira nan.
A pone SCP na altura di e kaso.
=======================
DENUNSIA
WCD na warda a dirigí patruya na Colegio Arubano, San Nicolaas, pa un kaso di kiebro.
Na e sitio polis a pp ku e direktor di nòmber G.
El a deklará ku deskonosínan a drenta e kamber di maestronan via un bentana di e toilette.
Na e muraya i bentana di e toilette, polisnan a nota diferente mancha di sanger. Probablemente esaki lo ta sanger di e sospechoso.
Deskonosínan a kohe diferente kos di bebe i kome i tambe artikulonan di toilette for di e kamber di maestronan, pero no a logra bai ku nan.
Polisnan ta pensa ku deskonosínan a wòrdu strobá.
A tuma deklarashonnan.
BFTO i SCP a wòrdu poné na altura di e kaso.
=======================
Prosès Verbal pa kachó ku ta morde.
Mèlding a drenta na warda via telefòn tokante un kachó ku a morde un señora.
Na e adrès, Kas Ariba 45, polis a papia ku e señora V, kende a deklará ku kachó di e bisiñanan a mord’é.
E tabata buskando su tata. I diripiente e kachó a sali kore for di e tereno i bini riba dj’e i mord’é na su pia drechi parti abou..
A sugerí V pa bai dòkter pa e por haña angua di tetanus.
Na promé bista e herida no tabata hundu, pero por a mira e djentenan di e kachó marká riba e pia.
A traha un prosès verbal pa e señora J, ku ta biba na e adrès, Kas Ariba 47-A, kende ta doño di e kachó.
=======================
MOLÈSTER DI KACHÓ.
CVD a dirigí patruya na Buena Vista 28, kaminda e habitante tabatin algu di konta polisnan.
Yegando na e sitio, e habitante di nòmber C, a papia ku polisnan i a deklará ku un bisiña di dje ku ta biba un poko mas leu for di su kas, tin hopi kachó i ku tur e kachónan aki ta peligroso.
Segun C, no ta e só tin molèster di e kachónan i ku kada bes e ta wòrdu ataká dor di nan ora ku e ta pasa banda di kas di su bisiña pa e bai supermerkado.
En konekshon ku esaki, polisnan a bai papia ku e bisiña menshoná di nòmber M.
Pero na yegada na e kas, e no tabatei.
Polis a papia ku su señora RM, kende a deklará ku nan tin solamente 2kachó; ku un di nan ta mará i ku e otro ta pasivo.
E señora ta sigui deklará ku e sá tokante kuá kachó C ta papia, pero ku e kachónan aki no ta di nan. E ta sigui bisa ku e kachónan ta drenta su kurá, pa motibu ku su kurá no ta kompletamente será. E ta bisa ku e tambe tin molèster di e kachónan i ku e no sa kiko pa hasi ku e kachónan.
Tin atenshon pa e kaso aki.
CVD a wòrdu poné na altura di e kaso.
=======================
INTENTO DI KIEBRO DEN KAS.
CP a dirigí patruya na Rooi Afó pa un kaso di kiebro.
Na e sitio polis a papia ku un dama di nòmber F, kende a deklará ku lo no tabatin kiebro; pero ku deskonosínan lo a purba penetrá den su bibienda.
E tapasolo di e bentana a wòrdu kitá. I polisnan por a mira ku e rant di e bentana tabata doblá.
Kiermen ku deskonosínan a purba fòrsa e bentana ku un opheto deskonosí.
F no ke a hasi denunsia di e intento, pero a pidi polisnan pa kontrolá mas tantu den e bisendario.
=======================
LADRONISIA.
Un chòler a bai ku e sèn for di e “tipbox”.
=======
DISKRIPSHON PATRUYA.
Pa banda di 14:40, SCP, a dirigí patruya na Subway Cura Cabai pa un kaso di ladronisia.
Na e sitio polis a papia ku e supervisor MD, kende a deklará ku e konosido residivista / bagabundo di nòmber Donald Geerman, a drenta Subway i a kohe e sèn for di e “tipbox”, bai kun’é.
Donald tabatin un tshirt di basketball bistí, ku e nòmber di JAMES den lomba.
Pa 15:00 a detené e konosido Donald na altura di Brasil 101-B.
A pone SCP na altura di e kaso.
=======================
KACHÓNAN KU TA KANA LÒS.
SCP a dirigí patruya na Montanja 30-H, pa un problema tokante kachó
Na e sitio polis a papia ku e informante, e dama T.T, kende a deklará ku e kachó di su bisiña a subi su tereno i a morde un galiña mata.
En konekshon ku esaki polisnan a bai na e kas di e bisiña ku ta keda na Montaña 27.
E bisiña di nómber C a deklará ku T tambe tin kachó lòs, ku tambe ta molesti’é.
Polisnan a partisipá na kada partido pa tene nan kachónan na kadena manera ta pará den e lei di kachó.
Tambe a pone nan na altura ku nan lo por haña un bút si e problema tokante kachó aki sigui.
SCP a wòrdu poné na altura di e situashon.
=======================
INTENTO DI ROBO.
SCP a dirigí patruya na San Nicolas na e adrès Caya Silvia Godett, kaminda a purba hòrta den un homber su kas.
Yegando aya, polisnan a papia ku e hòmber H, kende a deklará ku e tabata pafo, humando i bebiendo algu.
Diripiente el a mira 3 mucha hòmber di entre 16 pa 17aña su dilanti, den su kurá.
Tur 3, kabes tapá ku un kapuchón.
Unu tabatin un kapuchón kolor klá, esta shinishi.
Un otro ku kapuchón pretu i e otro, e no por a deskribí.
Nan kolor di kurpa tabata respektivamente kolor skur, bruin klá i klá
Tur 3 a dirigí un revòlver den su direkshon.
E no por a bisa si e revòlvernan tabata real.
E mucha hòmbernan a puntr’é si e tabata shòfùr di taxi.
El a bisanan, ku nan tabata na e adrès robes, pason e nó ta shòfùr di taxi.
Despues nan a kana bai.
H a deklará ku e 3 muchanan, tabata hopi yòn.
Nan a kana bai den direkshon wèst.
Pèrsonal di ATRACO TEAM a yega na e sitio i lo sòru pa mas investigashon.
=======================