ORANJESTAD ARUBA KOMUNIKADO KUERPO POLISIA 18 YANÜARI 2017

MOLÈSTER DI AWA.

Riba 18 yanüari 2017, alrededor di 11:00, e hòmber di nòmber L, bibá na Koyari, a tuma kontakto telefóniko ku polis di bario Nort pa e siguiente problema.
L tin bisiña ku ta manehá un labanderia.
Riba su mes, esaki no ta malu, pero e doño di e labanderia ta laga e awa sushi kore bai riba kaminda i konsekuentemente ta bini den kurá di L.
Esaki ta andando pa basta tempu.
E ta trese entre otro muskita i sangura i pa L, esey no ta dushi.
A palabrá ku L, ku lo tuma kontakto ku departamentu di salubridat i finalmente, pa huntu, atendé e problema.
A tuma kontakto telefóniko ku e kolaboradó di departamentu di salubridat pa un sita.
El a bèl bèk pa un sita definitivo.
Riba 18 yanüari 2017, alrededor di 14:25, e sita a wòrdu trahá ku departamentu di salubridat pa un kontròl na Koyari en konekshon ku e bashamentu di awa.
E sita a wòrdu poné pa 24 yanüari 2017 pa 10:30.
=======================

   YU HÒMBER REBELDE.

CVD na warda a dirigí patruya na De Vuyst pa un yu hòmber rebelde.
Yegando na e sitio, polisnan a papia ku e guia, kende a deklará ku enbèrdat tabatin un interkambio di palabra entre un mama i yu, pero ku nan lo a bai kaba.
CP a wòrdu poné na altura di e kaso.
===
Alrededor di 11:00 a yega na warda un dama H, kende a deklará ku su yu hòmber C, ta menas’é i zundr’é i ku e no ké e yu mas den kas.
Polis a bai ku H, na e adrès ariba menshoná.
Polis a topa Croes den sala.
C a bira histériko i zundra H i menas’ é ku si e sak’é fo’i kas, lo e bolbe, i ku H lo paga pa esaki.
El a tira su tas den direkshon di e mama, pero a hera.
Polis kier a kalm’é, pero C a bira agresivo i a pusha polis, tira moketa i manda skòp. Polis a ten’é kontra porta di kushina, pero C no ke a kalma i a kuminsa grita.
Dor di esaki, el a wòrdu detené pa banda di 11:30, pa seguridat di otronan.
Ora polis a bai kun’é  na outo, C a purba di skòp polis.
Polis a ten’é kontra e porta di outo di polis.
Ora a hink’é den outo el a skòp e polis dos biaha den pechu.
Polis a push’é riba e stul i a sinta banda di dj’e
E mama a duna di konosé ku tantu é i e tata tin hopi problema ku C.
E lo no ké C den kas mas.
A hiba C warda di polis, pa despues present’é dilanti J.Z.P.
=======================

  LADRONISIA VEHÍKULO.

E hòmber T a yega na warda di polis pa hasi denunsia tokante robo di su outo di marka Toyota, modèl Hilux, kolor blanku, numerá A-21157.
Dicho outo tabata stashoná bou di un palu di flamoyant.
T a fia un miembro di famia, di nomber B, su outo.
B a laga e outo habrí, pará bou di e palu i a bai na un kas djis pegá pa kohe algu.
I ora el a bolbe na e outo, el a mira ku e outo no tabatei mas.
Deskonosínan a bai ku esaki.
E suich tabata kompletamentu defekto di manera ku fasilmente por a start e outo ku un yabi falsu.

A tuma denunsia.
=======================

          ASISTENSIA.

WCD na warda a dirigí polis na Baby Beach, pa un pèrsona ku lo tabata masturbando.
Na e sitio polisnan a topa ku e konosí pa nan,  di nòmber Romney.
Romney tabata sunú kantu di playa i  tabata okupá ku su mes, masturbando.
Esaki no ta e promé bia ku Romney ta hasi e tipo di akto asinaki.
Romney ya a wòrdu detené den pasado pa kaso di indesensia, pa e mesun motibu di masturbamentu.
Polisnan a bai ku 4 diferente deklarashon di testigunan.
Romney a wòrdu hibá na warda di San Nicolaas.

A pone SCP na altura di e kaso.
=======================

      KIEBRO DI OUTO.

CVD a dirigí polis di Nort na Palacio appartment pa un kaso di kiebro di outo.
Na e sitio, polis a papia ku e hòmber B, kende a deklará ku den oranan di anochi a kibra den su outo.
E hecho a wòrdu kometé entre 17-01-2017, alrededor di 23:30 i 18-01-2017 alrededor di 10:00.

A pone  SCP na altura di e kaso.

Deskonosínan a bai ku e siguiente artikulonan.
1 Bosch grinder grandi
1 Bosch Belt Sander.
=======================

          DETENSHON

Riba 18-01-2017, pa banda di 13:00, patruya tabata riba kontròl.
Den bisendario di Alhambra casino, polisnan a mira un skuter pretu koriendo riba e lugá di stashoná den direkshon wèst.
El a subi asera, direkshon Mall.
Mirando ku den lastu tempu tin hopi kiebro i atrako ta tuma lugá; patruya a bai tras di e skuter.
A mir’é na altura di Twist of flavors.
Polis a papia kun’é tokante su forma di manehá.
I polisnan a haña pa kontesta: Pa nan bai hasi otro kos i stòp di molesti’é.
Polisnan a puntr’é pa su reibeweis.
A skirbi su datonan.
E hòmber di nòmber  B.A.Dirks, nasé na Aruba riba 3 di mart 1959.
A puntr’é pa su adrès. I el a kontestá:”Mi’n tin niun k……di dunabo”.
Polis a puntr’é pa di dos biaha ta kiko el a bisa; i el a kontestá;” Ken k……bo ta kere ku bo ta?”
A detené Dirks en konekshon ku insulto.
El a wòrdu transportá ku outo di polis spesial pa atrako, for di D2 pa Strand politie.
Mas aleu CP a kontrolá e skuter. E skuter no tabatin niun partikularidat  i a wòrdu hibá dor di e pèrsonal marítimo.
E skuter tabata numerá MFA-2115, BAJAJ, kolor pretu.
Dirks a wòrdu presentá dilanti di HOvJ.

SCP  a wòrdu poné na altura.
Dirks por haña su skuter bèk ora ku e por mustra un prueba di seguro, belasting i kùr.
=======================       

   BRINGAMENTU KU AMENASA.

A drenta mèlding via telefòn ku lo tabatin un pelea grandi tumando lugá na Montaña, mihó konosí komo kas di e konosí pa  hustisia O.L.T.
Na e sitio polisnan a papia ku OLT, kende a deklará ku e tabatin pleitu ku e hòmber GIM.
Na un dado momento e pleitu a para bira un pelea.
Ambos hòmber a bati otro malamente ku moketa.
GIM a sali di malu.
E tabatin un nanishi ku ta bludu, su banda drechi di kara tabata hinchá i e tabatin raskunan na èlebog i pia.
OLT a haña un herida grandi banda di su repchinan na parti robes i tambe su ènkel robes tabata hinchá.
Durante e pelea e dama RVMT, ku ta partner di GIM i ademas prima di OLT, a purba bringa ku OLT.
Dor di esaki el a wòrdu mordé dor di OLT na su brasa drechi i tambe el a haña hopi rasku rònt su kurpa.
Polisnan a intervení te kaminda nan tabata por.
Ambos partido a wòrdu mandá EHBO, pa haña un deklarashon di dòkter 
Ku esaki nan lo por presentá e siguiente dia na DAR2 (Rechèrche Nort), pa hasi denunsia, si nan tabata ké.

A pone CP na altura di e kaso.
=======================

This site uses Akismet to reduce spam. Learn how your comment data is processed.

error: Content is protected !!
%d bloggers like this: