CEO DI INSELAIR ARUBA A ENTREGA RETIRO

CEO DI INSEL AIR ARUBA A  ENTREGÁ RETIRO.

Oranjestad:  E hefe di Insel Air Aruba, Frederick Nuboer, a tuma su retiro djabierne último.
Pa mundu exterior, esaki a kai komo un sorpresa.
Pero Insel Air a sigurá NotisiaCla.com, ku esaki ya tabata konosí.
Segun Insel Air; El a anunsia esaki for di aña pasá.
I el a tuma su tempu pa huntu ku Insel Air, yega responsablemente na un bon traspaso.
Mas aleu Insel Air ta sigui bisa:” Nos lo keda hasi uzo di su kapasidat i sabiduria durante e tempu binidero”.
NotisiaCla.com a haña konfirmashon for di bon fuente, kon e proseso lo sigui.
Den kurso di siman, e portal aki, lo tin mas informashon tokante di e tema aki.

KAMBIONAN DEN INSEL AIR.

Manera ya ta konosí, Insel Air International i Insel Air Aruba ta den proseso di rekonstrukshon i pa varios  luna kaba tin kambionan tumando lugá den e kompania.
Fuera di redukshon di sierto ruta i pèrsonal regular, tabatin kambio den tòp tambe; entre nan gerente di merkadeo, Tita Iglesias, kende tambe a wòrdu kambiá aña pasá i asina por menshoná mas.
Mientrastantu e plan di restrukturashon ta sigui na e aerolinea i ta spera di keda kla “pronto”, pa por rekuperá su posishon klave den e mundu di aviashon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: