Workshop di etiketa di mesa pa partisipantenan pa reina di Karnaval Banda Abou. 

Dia 23 yanüari 2017, e partisipantenan pa Elekshon di Reina Prens i Pancho infantil Hubenil I grandi, tabata di bishita na restorant Koraal na Willibrordus pa un treinen di etiketa di mesa. For di e momentu ku nan a yega nan a wòrdu risibí for di riba tereno dor dje weiternan .Kual e partisipantenan a keda masha enkantá ku esaki.
Paden nan a haña un splikashon amplio serka Srta. Glorianne De Jonh i Srta. Ann, for di ora bo bishitá un restorant te n’e momentu ku bo bandoná esaki kiko ta e kosnan ku bo tin ku tene debido kuenta kuné.. Durante e atardi aki, e hóbennan a haña diferente informashon: p.e Ku ora bo drenta un restorant bo mester warda pa un weiter pone bo sinta pa evitá ku bo ta drenta kai sinta na mesa reservá òf drenta sin ku nan sa i e chèns ta grandi ku bo por keda sinta sin wòrdu sirbi na tempu. Ora un weiter pone bo sinta e ta keda ku tinu pa bo. E mucha hòmbernan a haña un splikashon ku nan mester akomodá nan pareha na mesa dor di hala un stul atras pa e por sinta. Tambe nan a haña un splikashon di e tipo di bestèk nan ku tin i pa kiko ta uza kada un di nan. Kon ta pidi p.e kompañeronan na mesa pa kue un salu, peper pa bo. Kon tin ku posishoná den un stul pa sinta. Kon e mannan mester ta pone riba mesa i no bou di mesa. Ku ora ta bebe sòpi no por saka zonido. Kon ta kome den un tayo, kua parti di e kuminda ta kome promé etc. Kon ta limpia boka ku e sèrbètè. Tipo di glasnan ku tin i uzo di kada unu. I hopi téknika i etiketa rondó di mesa den un restorant. Ku no por hasi bochincha, papia duru, tampoko lastra stul abou. Despues nan por a kome algu prepará pa e shef Kòk Tobias Nijkamp. Kual e mes a sali i wak ku su klientenan ta bon trata i ku nan a gusta su pasaboka. Nos a wòrdu malkriá un ratu.. Na final nan a haña un rekorido rònt pa asina tuma nota di e fasilidat nan ku tin einan.
FKBB i e partisipantenan ta hopi kontentu ku e treinen aki, i ta mirando atras riba un dia fruktífero. FKBB no solamente ta kere den trein e partisipante pa elekshon so. Pero ta kere den forma e hóben aki inkliná den dje kompetenshanan ku e por uza pa henter su bida.
Nos kier a yama danki na Srta Gloriane De Jongh, Srta Ann i Sr Henry Martinez ku tabata enkargá pa duna treinen i splikashon.
FKBB kier a gradisí KORAAL Restorant ku a habri man risibí nos permití nos bini serka dje i duna nos partisipantenan e treinen aki.
Aki ta sigui algun potrèt dje akontesimentu aki.

workshop-di-etiketa-di-mesa-pa-partisipantenan-pa

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: