Short Statement di MFK over di INSEL AIR

Frakshon di MFK i su lider ta reserva su komentario riba e injekshon di 33 mion florin di pueblo su plaka den Insel Air mientras nos tin informashon ku tin un Konglomerashon ku un entrada di mas di 15 Bion dollar ku ta interesa di hasi negoshi ku Insel Air.

Ademas di esaki nos tin dokumentonan manera esun aki (advies financien 28 Sept 2016) athunto ku ta indiká ku Insel Air a manda un karta 27 di Sept 2016 i ya 28 sept 2016, Minister Jardim tabata sa ku ta bai hinka mas di 30 mion florin den INSEL AIR.

Den begroting 2017, Minister aktual di Ekonomia a ninga di kontesta preguntanan riba INSEL AIR no opstante ku ta plaka di Pueblo ta hinkando den e aerolinea. Pa e motibu aki nos ta termina lesa dokumentonan ku nos tin den nos poder promé nos hasi deklarashonnan konkreto.

Short Statement di MFK:

Nos ta lamenta ku e komishon aktual instalá dor di Gabinete Koeiman ta hasiendo wega ku pan di trahadornan di INSEL AIR, mientras tin doño di un konglomerashon di aerolinea grandi ta interesa den hasi negoshi ku INSEL AIR.

Nos tur sa ku Gobièrno despues di ALM i DCA su eksperensha ku nos no sa mucho di run un aerolínea i eksperensha a siña nos ku semper e plaka invertí a bai perdí.

Tuma nota di e advies ku ya ta kla for di 28 di sèptèmber 2016, mientras den begroting a ninga di duna Staten klaridat.

klik aki:
https://www.dropbox.com/s/mh6t90qe5znbg2h/Advies%20Financien%2028%20Sept%202016.pdf?dl=0

Gerrit Schotte
Lider di MFK