Kòrsou rumbo pa Gold Cup, yüli awor na merka! Djabièrnè, 3 di febrüari, lo tuma lugá e sorteo pa sa e sekuensia di e partidonan ku lo determiná kua lo ta e último pais ku lo klasifiká pa e Gold Cup 2017!

Kòrsou rumbo pa Gold Cup, yüli awor na merka! Djabièrnè, 3 di febrüari, lo tuma lugá e sorteo pa sa e sekuensia di e partidonan ku lo determiná kua lo ta e último pais ku lo klasifiká pa e Gold Cup 2017!

Djabièrnè, 3 di febrüari pa 12’or di mèrdia lo tuma lugá e sorteo pa sa e sekuensia di e partidonan ku lo determiná si ta Nicaragua òf Haiti lo klasifiká pa e Gold Cup 2017. Manera ya ta konosí nos selekshon nashonal a klasifiká pa Gold Cup huntu ku 11 otro selekshon mas. Nicaragua ku a terminá na di 5 lugá den e Kopa Sentro-Amerikano i Haiti ku a keda na di 5 lugá den e Scotiabank CFU Caribbean Cup lo mester enfrentá otro pa mira ta kua lo bira e di 12 pais ku a logra klasifiká pa Gold Cup. Durante e sorteo di djabièrnè, ku tur hende por sigui via e pagina di Facebook òf e website di CONCACF, nos lo sa ta na kua pais e partidonan aki lo tuma lugá.

E fecha pa e partidonan aki ta di 24 pa 28 di mart 2017 i ganadó di e partidonan aki lo okupá e último puesto huntu ku e otro 11 paisnan ku ya e klasifiká pa e di 14 edishon di CONCACAF su Gold Cup 2017 ku lo inisiá na luna di yüli próksimo na Merka. Tur e partidonan aki lo keda transmití bibu via Fox i Univision.

E 11 paisnan ku ya a klasifiká ta;

1. Canada
2. Mexico
3. Merka
4. Kòrsou
5. Guyana Franses
6. Jamaica
7. Martinique
8. Costa Rica
9. El Salvador
10. Honduras
11. Panama

Kòrsou, Guyana Franses, Jamaica ku Martinique ta semi finalistanan di e Scotiabank CFU Caribbean Cup 2016-2017 i Costa Rica, El Salvador, Honduras ku Panama ta e tòp 4 paisnan di e Kopa Sentro-Amerikano.

E Gold Cup di CONCACAF ta tuma lugá kada 2 aña i ta e kampionato ofisial pa e regionnan di Nort ku Sentro Amerika i Karibe. E promé ronda di weganan lo tuma lugá den 9 stadion na 9 siudat di Merka di 7 pa 16 di yüli 2017. Mientras e partidonan di ‘knockout’ lo ta den 5 stadion den 5 siudat di Merka.

E hungadónan ku a forma parti di e último weganan di nos selekshon ta lo siguiente;

1. Eloy Room
2. Rowendy Sumter
3. Jarzinho Pieter
4. Germaine ‘Kemy’ Agustien
5. Jarchino Antonia
6. Leandro Bacuna
7. Shanon ‘Cheese’ Camelia
8. Elson ‘Sontje’ Hooi
9. Rangelo Janga
10. Juriën Gaari
11. Gino van Kessel
12. Jason Wall
13. Quinten Jakoba
14. Michaël Maria
15. Dustley Mulder
16. Gevaro Nepomuceno
17. Ayrton Statie
18. Felitciano Zschusschen
19. Christoper ‘Papa’ Isenia
20. Ashar ‘Acha’ Bernardus

E hungadónan aki ta forma parti di nos preselekshon i nos ‘head coach’ Sr. Remko Bicentini ta trahando pa hasi nos selekshon aun mas fuerte.
Fin di mart, durante kalendario di FIFA, e selekshon lo bin huntu pa kontinuá ku training nan pa e final di e Scotiabank Caribbean Cup i despues sigui ku e Gold Cup 2017.
Keda pendiente pa mas informashon…

1 di febrüari 2017