“ SITUACION DI ARUBUS NV….MERECE MAS ATENCION CRITICO DI PUEBLO !!”
BENNY NISBET (PPA):
“ SITUACION DI ARUBUS NV….MERECE MAS ATENCION CRITICO DI PUEBLO !!”
E confrontacion entre trahador y nan sindicato versus Gerencia di Arubus NV a ricibi basta atencion den medio local pero segun PPA e merece ainda mas atencion. Esaki pa e situacion serio cu a keda refleha den cual Arubus NV propiedad di gobierno/pueblo ta.
No ta un situacion defindible cu e resultado ta cu lo tin 25 bus danja y cu 7 so lo ta den bon condicion. Fuera di esey e hecho cu un instancia publico esta Arubus NV su chauffeur ta worde obliga di core bus sin cu nan documento necesario ta na orden esta sin rij-vergunning ta algo sumanente serio. Esaki ta refleha un falta di atencion di parti di Arubus NV pa a manda pidi e prolongacion aki na tempo y mester worde cuestiona seriamente pasobra e ta reflahe e situacion den Arubus NV…cu tur respet na gerencia di Arubus algo ta hopi hopi robez.
No kabe duda cu mester cuestiona e compra di e 15 busnan den prome instancia sin airo…pa despues cu a instala airco nan a danja un tras di otro anto pa anja nan no a worde drecha. Lo mester bin un splicacion publico …di con esaki por a bai di e forma aki ?? Mester splica pueblo ta cual proceso a gana y kende a jega na e conclusion cu e 15 busnan aki lo tabata e miho offerta e tempo ey ?? Y ki sorto di calidad di bus a worde cumpra pa Arubus NV….?
Situacion financiero di Gobierno tin su effecto den majoria compania di gobierno !!
No kabe duda cu e maneho descabeya riba tereno financiero hiba pa x ministro di Finanzas Mike de Meza alias THE MESS a hinca gobierno y tur su departamentonan y companianan cu ta depende di subsidio den problema hopi serio. Esaki a consecuencia di e maneho descabeya di a crea debe pa loco y consecuentemente e debe Nacional cu a mas cu redobla bao di su maneho.
Consecuencia di e situacion financiero aki ta cu gobierno ta baha e subsidio na diferente compania y fundacion cual tin consecuencia dramatico pa nan funcionamento.
Transport publico ta un sector unda majoria gobierno na mundo ta subsidia pa asina contribui na pueblo cu no tin su propio transportacion. Lastimamente cu gobierno di AVP su forma di funciona ta trece cunele cu e humilde pueblo cu ta depende di transporte publico ta worde seferamente affecta pa gobierno su maneho. Ta conoci cu gabinete Mike Eman p/m di x ministro Otmar Oduber (awe P.O.R.) a dicidi pa crea e asina jama ARU parking……cu e meta pa gana placa p/m di hinca man atrobe den saco di pueblo cu ta bishita Oranjestad pa nan debernan y pa hasi compras. Mientras tanto ta conoci cu e instrumento jama ‘ARU parking’ a desgracia e centro di Oranjestad. Hopi negoshi a sera porta y ainda falta …. Simpelmente pasobra AVP/POR no kier tende di stop e tarea di Aru parking.
PPA ta e unico partido cu no solamente a critica ‘Aru parking’ PERO PPA a propone un soluccion esta pa pone un paro na e meta pa cual Aru parking a worde funda y cambia esaki. Door di crea un meta positivo pa Aru parking door di crea un asina jama Aru guide, security services cual instancia lo mantene tur trajador duna nan e preparacion pa cumpli cu e servicio nobo aki na bienestar di pueblo di aruba, comercio di Oranjestad y nos bishitantenan.
Pero pa capricho di e gobierno di AVP/POR esaki no ta sosodiendo cual ta creando keto bai e crisis y e final di hopi negoshi den centro di Oranjestad.
PPA ta spera cu Arubus NV lo ricibi e atencion debido di gobierno y parlamento teniendo cuenta cu e sigiente puntonan:
1. Transporte Publico merece un subsidio publico !!
2. Arubus NV mester di un maneho serio pa evita e problemanan pa cual Arubus NV ta confronta awor aki !!
3. Aru parking mester worde PARA y su tarea cambia pa uno positivo.
PPA lo keda sigui ambos instancia den nan funcionamento tanto Arubus NV como Aru parking y lo bin bek riba e materia aki.
Aruba, 12 di februari 2017 Lider Politico di PPA
BENNY NISBET
