Studiante y pensionadonan a haya recorido den Tweede Kamer

Studiante y pensionadonan a haya recorido den Tweede Kamer

Den Haag – Den cuadro di desaroyo general y como parti di integracion den e sistema Hulandes, Gabinete di Aruba e organisa un bishita na Parlamento Hulandes, mihor conoci como Tweede Kamer.

E encuentro aki tabata dirigi na dos grupo specifico cu ta studiantenan di Aruba, como tambe un grupo di pensionado. E bishita a encera un recorido door di e edificio, incluyendo un bista den e Sala Plenario. Aki den e bishitantenan a haya un splicacion di e funcionamento di e Parlamento Hulandes. Parlamentaria Merit Maij a traha tempo den su agenda pa e gruponan di Arubiano y pa por papia un tiki di su pasion pa politica y di su tareanan. Mientras cu e personanan di edad avanza primordialmente a expresa nan preocupacion, e studiantenan tabata particularmente interesa den un rol mas activo den politica.

Terminando, a haci un apelacion na tur cu por vota pa berdaderamente haci uso di nan derecho di voto 15 di maart proximo.

Nota pa redacion: Publicacion di e potret ta unicamente posibel cu mencion di e nomber di e fotografo Nico van der Ven.