Último oportunidat pa inskribí pa Miss Curaçao Teenager 2017

Último oportunidat pa inskribí pa Miss Curaçao Teenager 2017

Ken lo ta nos próksimo Miss Curaçao Teenager 2017 ?
IBFF a duna e siman aki pa tur e hóbennan ku kier partisipá na e bunita eksperensia di forma su mes pa ta un digno representante di Miss Curaçao Teenager 2017.
Soño di hopi hóben ta di partisipá den un sertámen di beyesa. Abo ku tin entre 13 pa 17 aña di edat ku nashonalidat ulandes, ata bo chèns pa inskribí e siman aki pa asina por biba e eksperensia di Miss Curaçao Teenager 2017.
Hopi ta e aktividatnan ku lo tuma lugá entre otro Gala of Beauty, Miss Model……i e final ku lo hiba e tema di “Viva al Tango”. Durante di e preparashon nan lo tin vários workshop i charla nan super edukativo ku lo trese un desaroyo den bo bida pa semper. Charla nan duna pa profeshonalnan den kada ramo. Lèsnan di pasarela. I tambe lo tin dianan pa sosialisá ku otro den un ambiente super ameno.
IBFF a kustumbrá di trese shownan na nivel ku dekornan super bunita i impreshonante. Pues e siman aki lo ta e último siman pa bo traha un sita huntu ku bo mayornan na numbernan di telefon: 788 1103 òf na +599 9 695 6491. Team di IBFF ta kla pa laga bo biba un temporada super great.