Pronóstiko di tempu pa Kòrsou i bisindario bálido te djaweps mainta 06:00 o.l., 4 di mei 2017.

Pronóstiko
Pronóstiko di tempu pa Kòrsou i bisindario bálido te djaweps mainta 06:00 o.l., 4 di mei 2017.
Kompilá: Djárason 3 di mei 2017, 05:00 o.l. (09:00 UTC).
Tempu: Por lo general parsialmente nublá i awe mainta por kai un tiki áwaseru di intensidat leve na algun kaminda. 

Temperatura máksimo lo alkansá 31ºC i temperatura mínimo 26ºC.
Solo ta sali 06:15 i ta baha 18:50 o.l.
Bientu: Generalmente for di direkshon ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia, de bes en kuando bastante fuerte te posiblemente fuerte den ráfaga; forsa 5 to 6 (31 te 50 km/ora, 17 te 27 nudo).
Situashon general: Algun área di nubia lo sigui pasa temporalmente over di nos region. Ku eksepshon di un par di yobida leve awe mainta, mayoria di e nubianan aki lo ta muchu fini pa generá áwaseru. P’e motibu ei wer seku lo prevalesé riba nos isla te por lo ménos mañan.
Kondishon di laman: Por lo general moderá ku altura di olanan entre 1 i 2 meter (3 te 6 pia). 

Fenómeno spesial: Ningun.
Perspektiva te djabièrnè mainta: Por lo general parsialmente nubla i wer seku lo sigui prevalesé.
Meteorólogo: Capello.
E próksimo boletin di tempu lo wòrdu publiká djárason 11:00 o.l (15:00 UTC).