KOMUNIKADO DI KUERPO POLISIAL KÒRSOU Entrada hudisial ku detenshon i konfiská un rifel outomátiko di largu distansia

KOMUNIKADO DI KUERPO POLISIAL KÒRSOU
147 / 2017
8 mei 2017
Entrada hudisial ku detenshon I konfiská un rifel outomátiko di largu distansia
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 8 di mei 2017 alrededor di 6.15 or di mainta, e unidad di Krímen Organisá den kooperashon ku Tim di Aresto a tene entrada hudisial na dos kas i tres apartamento na Caboverdeweg. E entrada hudisial ta relashoná ku posibel violashon di Lei di Arma di Kandela. Na un di kasnan polis a haña i konfiská un rifel outomátiko di largu distansia kaliber 5.56mm x 45cm di alta potensia, mas dos kashi di bala konteniendo 51 bala skerpi. Tambe a konfiská un vehikulo blanku i algun artikulo ku ta di importansia pa e investigashon. Relashoná ku esaki polis a detené e homber J.A.G. nasé na Kòrsou di 30 aña di edat, i e dama S.d.J.A. nasé na Kòrsou di 23 aña di edat pa violashon di Lei di Arma di Kandela A presentá e sospechosonan dilanti un fiskal ouksiliar ku a ordená nan enkarselamentu pendiente mas investigashon.

Athunto potret.