Museo Tula lo no sirbi komo anfitrion pa selebrá di Dia di Museo 2017.

Museo Tula lo no sirbi komo anfitrion pa selebrá di Dia di Museo 2017.

Dia 18 di mei benidero, Museo Tula ta kumpli 10 aña di eksistensia. Museo Tula a keda instituí pa duna un kontribushon signifikante na informá i forma e bishitante tokante historia di Plantashi Kenepa i Rebelion di 1795.

Pa selebrashon di 10 aña Museo Tula, Kas di Kultura a plania un eksposishon spesial ku lo a konsistí di 2 kolekshon. Un kolekshon históriko, arkeológiko i un kolekshon di 16 obra di arte visual, kreá pa artistanan lokal, ku kada unu a keda enkargá ku ekspreshon artístiko di un parti spesífiko di e storia di Rebelion di 1795. E eksposishon aki lo ta un eksperensia úniko pa e bishitante, ku ta ofresé un balansa entre pasado, presente i futuro.

Lamentablemente nos no a logra finalisá e preparashon di e eksposishon aki pa Dia di Museo i pa e motibu aki nos partisipashon na Dia di Museo lo ta limitá.
Museo Tula lo ta habrí riba di 18 pa 21 di mei, di 9 or’ di mainta pa 3 or’ di atardi.

Nos ta komprometé nos mes pa pronto anunsiá e fecha pa deleitá pueblo di Kòrsou ku e eksposishon nobo di Museo Tula i ta deseá tur hende un felis Dia di Museo.