“Liñanan flotante pa protehá mangrove

“Liñanan flotante pa protehá mangrove”

Kralendijk – Durante e último dianan e tim di trabou konsistiendo di Stinapa, Gobièrnu i Selibon ta hasiendo hopi trabou pa limpia e bichnan. E áreanan mas afektá ta LAc, Sorobon i Washinkemba. E tim di boluntario a limpia mayoria di e área i nan ta sigui kontrolá esaki nan tur dia. Na mes momentu e tim ta trahando tambe riba un plan pa prevení mas daño na e rif i mangrove. Manera ta konosí mangrovenan ta un lugá importante pa e bestianan brui. Pa e motibu aki Stinapa lo bai buta algun liña flotante den Lac pa protehá e mangrovenan. E liñanan flotante lo sirbi komo un nèt pa e breu ku por drif drenta e bahia. Ta pidi tur persona ku ta hasi uso di e área aki pa no mishi ku e liñanan aki mirando e trabou importante ku nan tin pa protehá e mangrovenan. Un súplika ta bai pa tur persona ku ta sùrf evitá e área aki i keda leu for di e liñanan.  

Na mes momentu tambe ta monitoriando tambe tur e bestianan ku por e petrolio por a afektá. Si dado kaso suidadanonan tuma nota di paranan ku ta afektá, alertá Stinapa mesora via telefon 7178444. Gobièrnu di Boneiru ta súplika tur suidadano pa no mishi ku e para ni e supstansha si bo no tin e ekipo adekuá ku ta protehá bo.