KORSOU A BIRA MIEMBRO NR. 181 DI ORGANISASHON MUNDIAL DI SALÚ DI ANIMAL (OIE)

KORSOU A BIRA MIEMBRO NR. 181 DI ORGANISASHON MUNDIAL DI SALÚ DI ANIMAL (OIE)

WILLEMSTAD — Dia 26 di mei último, despues di a enkamina un trayekto di por lo menos 4 aña, porfin Korsou pa medio di su delegado Dr. Arnold.J.S Dwarkasing, Director di Departamentu di Asuntunan Veterinario di Ministerio di GMN, a haña e oportunidat honorabel di ta akseptá unanimamente komo e di 181 miembro di e Organisashon Mundial di Salú di Animal (OIE) mediante e resolushon GS85/14, presentá durante e Asamblea General na Paris, Fransia.

Ku e membresia importante aki Korsou ta afiliá su mes huntu ku 180 otro pais na e organisashon pa komparti e vishon “proteha nos animalnan pa asina preserva nos futuro “.

Ademas e membresia ta ofresé nos pais oportunidat i asistensia pa nos avansá den diferente aspekto veterinario, por ehèmpel, refuerso di e infrastruktura veterinario, salubridat públiko i siguridat di alimento, stimulá krío sano i responsabel di animal, enforsá bienestar di animal a base di datosnan sientífiko i optimalisá e kòntròl di malesanan di animal i hende.

A base di e eksigensianan i rekonosementu ku e membresia ta trese kuné, tambe e ta fasilitá e trafikashon di animal òf produktonan derivá di animal pa asina e aktividatnan ekonomiko relatá ku nan por tuma luga riba un manera sigur, transparante i sigun normanan akseptá internashonalmente.

This site uses Akismet to reduce spam. Learn how your comment data is processed.

%d bloggers like this: