‘Haring & More’ di Curaçao Lions Club Tur fondo rekoudá ta bai pa Fundashon Duna Mucha un Man

‘Haring & More’ di Curaçao Lions Club Tur fondo rekoudá ta bai pa Fundashon Duna Mucha un Man

Willemstad – Un di e promé atkisishon di Hollandse Nieuwe, haring, aki na Kòrsou ta den man di Curaçao Lions Club i djaweps dia 22 di yüni di 7 pm pa 9 pm Curaçao Lions Club ta organisá Haring & More na restaurant Ginger (Pietermaai) ku e meta pa rekoudá fondo pa “Fundashon Duna Mucha un Man”. Tur aña “Haring & More” tabata un èksito i tur aña ta agrega algu nobo aparte di haring. Pa solamente NAf. 100,- bo ta kumpra bo karchi i disfruta ilimitá di 7 pm pa 9 pm di bebida, delisioso haring, rookworst, keshi i e aña aki “erwtensoep”.

Tur fondo rekoudá ku “Haring & More” ta bai pa Fundashon Duna Mucha Un Man ta un proyekto di Curaçao Lions Club ku tin komo meta pa duna muchanan un man i evitá mas tantu ku ta posibel ku e mucha ta kai den e sirkuíto robés. E fundashon ta konosi pa suministrá desayuno na skol. E proyekto ta aktivo for di mart 1998 i ya mas ku 35 skol i 1500 alumno ta hañando desayuno grátis na skol.

Karchi pa “Haring & More” ta optenibel serka miembronan di Curaçao Lions Club, Mensing’s Caminada, Destination Curaçao i restaurant Ginger. Amantenan di haring por kom’é ku pan òf a hap’e manda abou ku siboyo. Si haring no ta bo faborito bo por disfrutá ilimitá di 7 pm pa 9 pm di delisioso rookworst, keshi, ‘erwtensoep’ i bitterbal. E ambiente ta bai ta úniko manera semper sa ta e kaso ku aktividatnan organisá pa Curaçao Lions Club.

Curaçao Lions Club ta yama danki na tur e diferente sponsernan ku a hasi e delisioso evento aki posibel. Un i tur ta keda invitá pa buska bo karchi pa djaweps dia 22 di yüni na restaurant Ginger “Haring & More” di Curaçao Lions Club.

This site uses Akismet to reduce spam. Learn how your comment data is processed.

error: Content is protected !!
%d bloggers like this: