KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

BTP&U ta entrega relato anual 2016 na Min Jesus-Leito i anunsia Future Readiness

BTP&U ta bon na kaminda:

RELATO ANUAL 2016 BTP&U ENTREGÁ NA MINISTER JESUS-LEITO I KUADRO DI PLAN PA FUTURO PRESENTÁ

WILLEMSTAD 18 di yuni 2017 – Bureau Telecommunicatie, Post en Utiliteiten (BTP&U) ta bon na kaminda raportando i planifikando na tempu. Resientemente e entidat reguladó akí a entregá su relato anual di 2016 na e minister enkarga ku Trafiko, Transporte i Planifikashon Urbano, sra. Zita Jesus-Leito. Na mes momentu BTP&U a presentá su inisitiva pa su plan “Future Readiness”, indikando di ta kla pa futuro.

Direktor general sr. Franklin Sluis a hasi e entrega di e relato anual den presensia di e miembronan di hunta di supervision di BTP&U, señores Medgar Isebia i Kenneth Martes. E minister tabata kontentu di por risibí e relato anual 2016 i alabes pone su mes bon na altura di e empeño di e reguladó pa ta prepará pa futuro. Ku entrega di su relato anual 2016 BTP&U ta kumpli ku e bon hábito di entidatnan korporativo di duna kuenta i rason di e aña ku ta tras di lomba den e promé parti di e aña siguiente.

Reguladó múltiple
BTP&U a desaroyá su mes for di 1996 den un reguladó pa múltiple sektor den nos komunidat: telekomunikashon, pòst, elektrisidat, awa, kombustibel, tarifanan den aviashon i Carisert. Ku esaki BTP&U tin komo su responsabilidat pa regulá mas o menos 30% di nos produkto bruto nashonal esta +/- 1.6 mil mion florin .
Aparte di kumpli ku reglanan vigente, BTP&U ta tene kuenta tambe ku aspektonan manera derechonan universal di entrega, preis hustu, kompetensha hustu, efisiensia den produkshon i distribushon, garantia di entrega, durabilidat i mitigashon di efekto di ekstremo poder den merkado.

Desaroyo di pensamentu
Kumpliendo ku su tareanan, BTP&U ta tene debido kuenta ku e interesnan di tur su gruponan di enfoke. E reguladó ta realisá su mes tambe ku e tin un ròl importante den desaroyo di pensamentu i konosementu tokante regulashon. Esaki ta konta pa e komunidat en general pero prinsipalmente pa entidatnan ku BTP&U ta regulá. Asina nos komunidat por komprondé i apresiá e kalidat di e regulashon mihó.

Futuro
Komo regulado di no mènos ku seis sektor den nos komunidat, ta importante pa BTP&U kana dilanti i ta prepará pa atendé ku futuro retonan i tambe fasilitá desaroyo entre otro kandando dilanti i dunando kontenido na Minister Zita Jesus Leito tambe su mishon pa krea un pais sabí (Smart Curacao.)
P’ esei e reguladó lo prepará su mes progresivamente pa futuro durante di e próksimo sinku añanan
No opstante su pakete ámplio di resposabilidat, BTP&U ta mira espasio pa por regulá mas sektor den un futuro serkano, na bienestar di nos komunidat.

639114718427035"
639114718427035"