Ban selebrá nos Dia di Bandera na Renaissance Mall & Rif Fort

Ban selebrá nos Dia di Bandera na Renaissance Mall & Rif Fort

WILLEMSTAD – Djadumingu awor, tur establesimentu na Renaissance ta habrí! Selebrashon Dia di Bandera lo ta un biaha mas yen di ambiente na Renaissance Mall & Rif Fort. Ban selebrá ku músika di Kah’i òrgel, RuBeBa i un desfile folklóriko ku ambiente di seú presentá pa Grupo Sembra Alegria i despues, presentashon di Hóben na Timon riba esenario na Rif Fort. Pa djadumingu awor, Dia di Bandera, a prepará stènt ku kuminda netamente ‘krioyo’ i kos di boka dushi pa tantu bishitantenan lokal i turistanan por disfrutá. Miéntras huéspetnan di e resort ta sera konosí ku nos gastronomia lokal, nos komo residente di e dushi pais aki ta disfrutá nos faboritonan di e kushina krioyo i selebrá Dia di Bandera. Lo tin entretenimentu pa mucha, ‘bumper cars’ i diferente otro wega. Ademas, lo tin deskuento den diferente establesimentu. Kòrda ku djadumingu awor tambe por parker grátis na Renaissance Curaçao Resort! Durante di e dia aki, establesimentunan lo ta habrí for di 9’or di mainta pa 5’or di atardi huntu ku e skema di aktividat. Djadumingu awor ban topa na Renaissance Mall & Rif Fort!

This site uses Akismet to reduce spam. Learn how your comment data is processed.

error: Content is protected !!
%d bloggers like this: